Independentismu aragonés

L'independentismu aragonés (aragonés: Independentismo aragonés) ye una corriente política que defende la independencia d'Aragón respecto al Estáu español. Nun se debe confundir independentismu con nacionalismu aragonés, yá que son dos conceutos que pueden tener diferencies. El nacionalismu nun quier necesariamente la independencia total del territoriu, ente que esti ye el principal oxetivu del independentismu.

Na actualidá

Anguaño decláranse independentistes delles organizaciones, sindicatos y partíos políticos aragoneses como Puyalón de Cuchas, Chobenalla Aragonesista (antigües xuventues de Chunta Aragonesista, anguaño integraes en Purna), el centru social A Enrestida en Zaragoza, el sindicatu d'estudiantes SEIRA, la organización xuvenil Purna (dientro de la coalición Bloque Independentista de Cuchas); el Sindicato Obrero Aragonés (SOA), Estado Aragonés y dellos sectores de la Chunta Aragonesista.

Suelen emplegar como símbolu del independentismu aragonés distintes variantes de la tradicional bandera d'Aragón, llamaes estreladas. Les versiones más conocíes son la estrelada colorada (Una cuatribarrada con una estrella colorada en mediu) y la estrelada de Gaspar Torrente (Una cuatribarrada con un cantón azul na parte superior izquierda con una estrella blanca dientro), siendo la estrelada colorada la que gocia de mayor esperdimientu y utilizada inclusive ente xente ensin afiliación independentista (como los Colectivos de Jóvenes Comunistas y el Partíu Comunista de los Pueblos d'España n'Aragón). Tamién puedense reparase en delles manifestaciones y dellos conciertos de música popular aragonesa.

Referencies

Bibliografía

Enllaces esternos

Martxelo Díaz (19.7.2011). «El independentismo aragonés avanza en referencialidad» (castellanu). Gara. Consultáu'l 29.4.2026.
Guillermo Fatás (9.9.2018). «Independentismo ocultadizo» (castellanu). Heraldo. Consultáu'l 29.4.2026.