Ilesies evanxéliques
La Ilesia evanxélica ye la comunidá de creyentes nel evanxeliu de Cristu. La bona anuncia que Dios asoleya a la humanidá, per aciu del espublizamientu del mensaxe que'l mesmu Xesucristu resucitáu encargare esparder per dayuri: Dios llama a tolos homes al arrepentimientu y al perdón de tolos pecaos, que namái s'algamen gracies al sacrificiu anubridor que'l sangre del so fíu unixénitu -encarnáu, nacíu d'una virxe y crucificáu en Xerusalén pela Pascua xudía (hacia l'añu 33 d'esta dómina, sol mandu de Pónciu Pilatu, gobernador de Xudea)- brinda a tolos que s'enfoten nesi actu redentor orixináu nos propósitos eternos. Mensaxe que'l mesmu Dios vien desendolcando adulces, per aciu los sos profetes, que foron amosándolu yá dende l'entamu la creación.
