Ilesia de San Xuan (Camoca)

De Wikipedia
Saltar a navegación Saltar a la gueta
Ilesia de San Xuan (Camoca)
Bien d'Interés Cultural
ilesia y monumentu
Iglesia de San Juan (Camoca) - 09.jpg
Llocalización
PaísFlag of Spain.svg España
AutonomíaFlag of Asturias.svg Principáu d'Asturies
Provincia provincia d'Asturies
ConceyuFlag of Villaviciosa.png Villaviciosa
Coordenaes 43°27′36″N 5°28′17″O / 43.4601°N 5.4713°O / 43.4601; -5.4713Coordenaes: 43°27′36″N 5°28′17″O / 43.4601°N 5.4713°O / 43.4601; -5.4713
Ilesia de San Xuan (Camoca) alcuéntrase n'Asturies
Ilesia de San Xuan (Camoca)
Ilesia de San Xuan (Camoca)
Ilesia de San Xuan (Camoca) (Asturies)
Historia y usu
Orixe del nome Xuan l'Evanxelista
Patrimoniu
BIC RI-51-0008752
Cambiar los datos en Wikidata

La Ilesia de San Xuan allugada en Camoca, conceyu de Villaviciosa (Asturies, España) ye un templu construyíu na segunda metá del sieglu XIII. La so estructura ye bien cenciella; presenta nave rectangular única y cabecera cuadrada carauterística del románicu rural de la zona de Villaviciosa.

En 1973 construyóse la espadaña, el pórticu y enllargóse la nave con un cuerpu zarráu a los pies. De la etapa románica conserva l'arcu de trunfu, compuestu por dos arquivoltas llises sobro trés columnes a cada llau con capiteles con decoración vexetal y animalística, dellos canecillos y la portada sur, bien cenciella, n'arcu de mediu puntu con una arquivolta llisa con imposta moldurada.

L'interior allúmase al traviés de les ventanes saeteras abocinadas de la zona alta de la nave y del muriu testeru del ábside. La nave cúbrese con cubierta plana y la cabecera con bóveda de cañón.

La Ilesia anguaño ta modificada pol agregu d'un cuerpu llateral nel muriu norte de la nave, que forma una falsa nave separada.

La espadaña ye de sillería, con dos güecos y rematada con boles y una cruz.

Referencies[editar | editar la fonte]

El conteníu d'esti artículu amiesta material de la declaración del Bien d'Interés Cultural publicáu nel BOPA Nº 39 el 17 de febrero de 1994 (testu), que s'alcuentra nel dominiu públicu arriendes a lo dimpuestu nel artículu 13 de la Llei de Propiedá Inteleutual española (en castellán).