Ilesia de San Pedro (Con)

De Wikipedia
Saltar a navegación Saltar a la gueta
Ilesia de San Pedro (Con)
Bien d'Interés Cultural
Iglesia de San Pedro (Mestas de Con) - 07.jpg
Llocalización
PaísBandera d'España España
AutonomíaFlag of Asturias.svg Principáu d'Asturies
ProvinciaProvincia d'Asturies
ConceyuBandera de Cangas de Onís.svg Cangues d'Onís
ParroquiaMestas de Con
Coordenaes 43°20′18″N 5°00′56″O / 43.3383°N 5.0156°O / 43.3383; -5.0156Coordenaes: 43°20′18″N 5°00′56″O / 43.3383°N 5.0156°O / 43.3383; -5.0156
Ilesia de San Pedro (Con) is located in Asturies
Ilesia de San Pedro (Con)
Ilesia de San Pedro (Con)
Ilesia de San Pedro (Con) (Asturies)
Historia y usu
Orixe del nome San Pedro
Diócesis Archidiócesis d'Uviéu
Patrimoniu
BIC RI-51-0008205
Cambiar los datos en Wikidata

La ilesia de San Pedru ye una ilesia del conceyu asturianu de Cangues d'Onís. Asítiada nel llugar de Mestas, ye'l templu parroquial de de la parroquia de Con.

La ilesia ye un exemplu del románicu rural tan abondoso n'Asturies. La so construcción remóntase quiciás al sieglu XIII, mentantu que había ser nel sieglu XV o XVI cuando se-y añediera la cabecera y se abriera o reformara la puerta de los pies del templu. Nel sieglu XVIII abriéronse los arcos de la cabecera y pintose la bóveda. La cabera restauración ye de 1989.

El templu, de tipu románicu popular como yá se dixera, ye de nave única rectangular cubierta con estructura de madera, y tien una cabecera cuadrada cubierta con bóveda de cruceru. Destaquen del conxuntu les dos portaes romániques y l'arcu de trunfu. La puerta occidental ye d'arcu apuntáu ensin decoración, mentantu que la meridional, d'arcu de mediu puntu, tien una decoración de taqueáu. El arcu de trunfu ye de mediu puntu dobláu, y apoya nuna columna a cada llau, que los sos capiteles tán decoraos con piñes (la de la izquierda) y boles (la de la derecha).

Les pintures de la bóveda recueyen figures vexetales, xeométriques y heráldiques. Son ún de los elementos singulares de la ilesia, una y bones son perpocos los templos rurales decoraos con pintures murales. La so autoría atribúyese-y a una escuela popular de pintura qu'hebo nel oriente d'Asturies a finales del sieglu XVIII.

Galería de semeyes[editar | editar la fonte]

Bibliografía[editar | editar la fonte]

  • Declaración de la ilesia como Bien d'Interés Cultural. BOPA del 23 de febreru de 1993, disponible na web [www.asturias.es].
  • Cobo Arias, F., Cores Rambaud, M., Zarracina Valcarce, M., Guía básica de monumentos asturianos. Uviéu, 1990, Serviciu de Publicaciones del Principáu d'Asturies.