Hulk Hogan
Terry Gene Bollea (11 d'agostu de 1953, Augusta – 24 de xunetu de 2025, Clearwater), conocíu col nome artísticu de Hulk Hogan o Hollywood Hogan, foi un lluchador profesional d'Estaos Xuníos.
Trayeutoria
[editar | editar la fonte]Exerció como comisionáu de la Real American Freestyle y foi embaxador oficial de la marca WWE. Carauterizáu pol so estilu estravagante, el so físicu impresionante, el so pañuelu na cabeza y el so famosu bigote rubiu en forma de ferradura, Hogan ye consideráu una de les figures más reconocíes de la llucha llibre profesional, el deportista más popular nos años 80 y ún de los meyores lluchadores de tolos tiempos.[11]
Foi protagonista de los principales eventos tanto de la WWF como de la WCW, participando como estrella principal en diverses ediciones de los torneos añales más relevantes: WrestleMania y Starrcade. Ingresó nel Salón de la Fama de la WWE en 2005, anque foi espulsáu temporalmente en 2015 por declaraciones racistes; la empresa rehabilitó la so figura tres años dempués.
Tamién firmó cola Total Nonstop Action Wrestling (TNA), onde trabayó ente 2010 y 2013 como direutor xeneral[12]. Na WCW foi líder del grupu New World Order (nWo), xunto con Kevin Nash y Scott Hall, unu de los axuntamientos más influyentes na historia d’esa empresa.
Palmarés
[editar | editar la fonte]Nel planu deportivu, consiguió doce títulos como campeón mundial: seis veces Campeón de la WWF (una d’elles como Campeón Indiscutíu) y seis veces Campeón de la WCW. Tamién llogró un campeonatu per equipos na WWE, formando pareya con Edge[13]. Foi vencedor del Royal Rumble en 1990 y 1991, siendo’l primeru en ganar dos ediciones consecutives.
Hulk Hogan foi la gran estrella de la llucha llibre nes décades de 1980 y 1990, y protagonizó ocho eventos estelares de WrestleMania, más que cualquier otru lluchador na historia del tornéu. Les ediciones onde foi estrella protagonista fueron: WrestleMania I, WrestleMania II, WrestleMania III, WrestleMania V, WrestleMania VI, WrestleMania VII, WrestleMania VIII y WrestleMania IX.
Referencies
[editar | editar la fonte]- ↑ Identificador GND: 119094169. Afirmao en: Catalog of the German National Library. Data de consulta: 24 xunetu 2025. Llingua de la obra o nome: alemán.
- ↑ Afirmao en: SNAC. Identificador SNAC Ark: w6p857rf. Apaez como: Hulk Hogan. Data de consulta: 9 ochobre 2017. Llingua de la obra o nome: inglés.
- ↑ «Hulk Hogan Dead at 71» (inglés d'estaos xuníos) (24 xunetu 2025). Consultáu'l 24 xunetu 2025.
- ↑ «Hulk Hogan Dead at 71» (inglés d'estaos xuníos) (24 xunetu 2025). Consultáu'l 24 xunetu 2025.
- ↑ «Hulk Hogan dies at 71» (inglés) (24 xunetu 2025). Consultáu'l 24 xunetu 2025.
- ↑ «Todesursache von Hulk Hogan (71) enthüllt». Bild.de (1r agostu 2025).
- 1 2 3 «Hulk Hogan, wrestler turned actor who was an enduring superstar in the world of sports entertainment» (inglés británicu) (24 xunetu 2025). Consultáu'l 24 xunetu 2025.
- ↑ Afirmao en: CONOR.SI. CONOR.SI ID: 119482979.
- ↑ «Florida Sports Hall of Fame | Hulk Hogan» (inglés). Consultáu'l 24 xunetu 2025.
- ↑ CageMatch worker ID: 504.
- ↑ «Perfil de Hulk Hogan». Puroresu Central. Archiváu dende l'orixinal, el 2010-11-28. Consultáu'l 24 xunetu 2025.
- ↑ «HULK HOGAN JOINS TNA WRESTLING!». TNA. Archiváu dende l'orixinal, el 2009-10-29. Consultáu'l 24 xunetu 2025.
- ↑ «Hulk Hogan's Title History». WWE. Archiváu dende l'orixinal, el 2024-11-30. Consultáu'l 24 xunetu 2025.
Enllaces esternos
[editar | editar la fonte]
Wikimedia Commons acueye conteníu multimedia sobre Hulk Hogan.
- Páxina web oficial (n'inglés)
- Hulk Hogan na Internet Movie Database (n'inglés)
- Hulk Hogan n'AllMovie (n'inglés)
- «Hulk Hogan». en Find a Grave. (n'inglés)
- Hulk Hogan en Facebook
- Hulk Hogan n'Instagram
- Hulk Hogan en Twitter (cuenta verificada)
Datos: Q44176- Multimedia: Hulk Hogan