Hufu

El Hufu (acrónimu de human tofu) yera un productu alimenticiu falsu. Supuestamente taba compuestu por un tipu de soya que taba diseñada pa paecese a la carne humano tantu nel sabor como na testura. La páxina web na que se comercializaba'l hufu (eathufu.com) tuvo operativa dende mayu de 2005 hasta xunu de 2006, cuando foi cerrada. El creadores afirmaron que Milla Jovovich acuñó'l términu dempués d'oyer falar del desenvolvimientu del productu mientres el Eurostar de Londres a París. Anque dende l'empiezu'l creadores de Hufu plantegaron el productu como una chancia de mal gustu bien de xente tuvo interesada n'adquirilo.

Historia

El Hufu foi promocionáu como "l'alternativa saludable a la carne humano" pa "caníbales que quieren dexar el vezu", anque orixinariamente foi inventáu por que los estudiantes d'antropoloxía sintieren la esperiencia del canibalismu. El so sitiu web anunciaba que hufu tamién yera "un alimentu bien conveniente pa los caníbales. ¡Non más vienres pela nueche cazando! Quédese en casa y esfrute del deliciosu sabor de hufu".

Mark Nuckols (fundador y CEO de Hufu, LLC) –entós estudiante en Tuck School of Business– afirmó que'l conceutu de Hufu asocedióse-y cuando taba comiendo un sándwich de "tofurkey" (sucedaneu de pavu fechu con tofu) mientres lleía "Good To Eat: Riddles of Food and Culture", un llibru sobre'l canibalismu escritu pol antropólogu Marvin Harris.

Publicidá

Samantha Bee entrevistó a Nuckols nel programa The Daily Show. Na entrevista, dixo: "Creo qu'una gran parte del prestar de comer el productu Hufu, ye imaxinar que tas comiendo carne humano. Nesi momentu, usté puede xunise fraternalmente a los caníbales... Si realmente quieren esperimentar lo más cerca posible una esperiencia de canibalismu, Hufu ye la so meyor opción". Nuckols tamién foi entrevistáu por una variedá de programes de radio y medios impresos, incluyendo The Harvard Crimson y The Stanford Daily.

Zarru de la web

La páxina oficial de Hufu foi cerrada n'agostu de 2006, cuando apaecieron ensame de quexes n'organismos de defensa del consumidor y denuncies per estafa (munchos habíen pagu pero naide recibiera'l productu). Según Mark Nuckols, cerró'l sitiu web a cencielles porque "el mundu dexó nel pasáu'l hufu, y el sitiu web yera demasiáu caru pa caltenelo".

El misteriu qu'arrodia al asuntu fai pensar en que tou foi nuna nueva forma d'activismu artístico o una chancia de mal gustu que llegó demasiáu lloñe.

Enllaces esternos

• Argumentu de Design, diseñadores de la imaxe de Hufu
• Artículu de Harvard Crimson
• "Flesh in the Pan", la hestoria del Hufu nel programa The Daily Show

• Datos: Q5404926