Hospital d'Órbigu

De Wikipedia
Saltar a navegación Saltar a la gueta
Hospital d'Órbigu
Puente del Paso Honroso en Hospital de Orbigo.jpg
Escudo de Hospital de Orbigo.svg
Alministración
PaísBandera d'España España
AutonomíaFlag of Castile and León.svg Castiella y Llión
ProvinciaBandera de León.svg Provincia de Llión
Tipu entidá conceyu d'España
Alcalde de Hospital de Órbigo Traducir Enrique Busto Marcos
Códigu postal 24286
Xeografía
Coordenaes 42°27′40″N 5°53′03″W / 42.461111111111°N 5.8841666666667°W / 42.461111111111; -5.8841666666667Coordenaes: 42°27′40″N 5°53′03″W / 42.461111111111°N 5.8841666666667°W / 42.461111111111; -5.8841666666667
Hospital d'Órbigu is located in España
Hospital d'Órbigu
Hospital d'Órbigu
Hospital d'Órbigu (España)
Superficie 4.8 km²
Altitú 820 m
Llenda con Santa Marina del Rey Traducir, Bustillo del Páramo Traducir, Villarejo de Órbigo Traducir y Villares d'Órbigu
Demografía
Población 987 hab. (2018)
Porcentaxe 0.21% de Provincia de Llión
Densidá 205,63 hab/km²
Más información
Estaya horaria UTC+01:00
www.hospitaldeorbigo.com/
Cambiar los datos en Wikidata

Hospital d'Órbigu ye un conceyu y llocalidá asitiada na provincia de Lleón, comunidá autónoma de Castiella y Lleón, España. La so población yera de 995 habitantes en 2015 y la superficie del conceyu ye de 4,58 km². Allúgase nuna altitú de 823 m. y les sos coordenaes xeográfiques son: llatitú N 42º 27' 46"; llonxitú W 5º 52' 56".

Nel conceyu atópase la llocalidá de Ponte d'Órbigu.

Historia[editar | editar la fonte]

Na Edá Media esistía un pequeñu pobláu na vera esquierda del ríu Órbigu que se foi formando alredor de la ilesia de Santa María. Llámase Ponte del Órbigu. A finales del sieglu XVI entamóse otru pobláu xuntu al antiguu hospital de pelegrinos, na vera drecha del ríu. L'hospital foi fundáu pola orde de Caballeros de San Xuan de Xerusalén. Esti pobláu tomó'l nome d'Hospital d'Órbigu.

Hospital d'Órbigu foi testigu y protagonista a lo llargo de la hestoria de dellos fechos importantes: ellí llibróse una batalla nel añu 456 ente los partidarios de Teodorico y los de Requiario. Créese que Almanzor pasó por esta llocalidá y travesó la vieya ponte cuando tresportaba les campanes requisaes en Santiago de Compostela, de camín escontra Córdoba. Nel sieglu XIX, los habitantes d'Hospital destruyeron los dos estremos de la ponte pa torgar el pasu a les tropes de Napoleón.

Esti pueblu tien gran tradición en productos agrarios. Nel añu 1890 don Francisco y don Pedro Blanco de Sierra Pambley fundaron la Escuela d'Ampliación d'Instrucción Primaria y d'Agricultura. Gran parte de los habitantes trabayen en fábriques de piensos y lleche. El sector de servicios ta progresando, asina como'l sector de turismu.

Camín de Santiago[editar | editar la fonte]

Vista d'Hospital d'Órbigu cola ponte del Pasu Honrosu en primer términu.

Hospital d'Órbigu ye un pasu obligáu nel Camín lleonés. Los pelegrinos vienen dende'l pasu anterior que ye San Martín del Camín, traviesen la ponte del Pasu Honrosu y siguen rectu, atopando a la so drecha la ilesia de San Xuan de los antiguos hospitalarios. Na plaza atopen les ruines del antiguu hospital y nel centru hai un cruceru de piedra, símbolu que puede vese a lo llargo de too el Camín de Santiago. El pelegrín sigue la so marcha hasta cruciar la carretera y llega a una bifurcación. Dende ellí va atopar la carretera escontra Estorga que ye'l siguiente puntu importante de la pelegrinación.

Monumentos y llugares d'interés[editar | editar la fonte]

Ye una ponte medieval del sieglu XIII, construyíu sobre'l ríu Órbigu. Paez demasiao grande para lo que ye'l ríu pero enantes de la construcción del banzáu de Barrios de Lluna, esti ríu llevaba un gran caudal. Tien 19 arcos y ta  bien conserváu. Fixéronse restauraciones en distintes dómines. Ye monumentu nacional dende 1939.

Ta enclaváu na antigua calzada romana que diba dende Lleón (Legio Séptima Gemina) hasta Estorga, que yera en tiempos de los romanos la capital de la provincia Asturica Augusta.

El so nome provien d'un famosu tornéu que tuvo llugar nel Añu xacobéu de 1434. Dende 1997, el primer fin de selmana de xunu, Hospital d'Órbigu celebra les sos xustes medievales del pasu honrosu, n'alcordanza d'aquella fazaña y como atracción turística declarada Fiesta d'interés turísticu rexonal.

Demografía[editar | editar la fonte]

El conceyu amosó, na última década, un lentu pero sosteníu enclín al amenorgamientu de la so población. Nel añu 2015, según l'INE, los habitantes d'Hospital d'Órbigu llegaben a los 995 (491 homes y 504 muyeres).

Gráfica d'evolución de Hospital d'Órbigu ente 1877 y 2015

     Población de drechu según los censos de población del INE.[1]      Población según la rellación d'unidaes poblacionales del INE.

Comunicaciones[editar | editar la fonte]

Xustes Medievales del Pasu Honrosu

Carretera[editar | editar la fonte]

Atópase xusto nel estratéxicu encruz de la carretera LE-420, (que xune La Bañeza (Lleón) cola autopista A-66 que se dirixe a la cornisa cantábrica), y la N-120 que la xunen cola capital provincial, Lleón y con Estorga.

Ferrocarril[editar | editar la fonte]

Pol conceyu trescurre'l ferrocarril Lleón - Monforte de Lemos.

Gastronomía[editar | editar la fonte]

La trucha del ríu Órbigu ye la estrella de la gastronomía na ribera.

Referencies[editar | editar la fonte]

Enllaces esternos[editar | editar la fonte]