Horacio Carochi
Horacio Carochi | |
|---|---|
| Vida | |
| Nacimientu | Florencia, 1586[1] |
| Muerte | Tepotzotlán, 14 de xunetu de 1662[2] (75/76 años) |
| Estudios | |
| Llingües falaes | náhuatl |
| Oficiu | llingüista, misioneru |
| Creencies | |
| Relixón | catolicismu |
| Orde relixosa | Compañía de Xesús |
 | |
Horacio Carochi (1586, Florencia – 14 de xunetu de 1662, Tepotzotlán)[3] foi un xesuita y filólogu florentín qu'escribió un vocabulariu y gramática del náhuatl clásicu publicaos en 1645 sol títulu de L'arte de la Llingua Mexicana.
Carochi ingresó a la Compañía de Xesús el 23 d'ochobre de 1601. Viaxó a la Nueva España onde concluyó los sos estudios de filosofía y teoloxía. Ordenóse sacerdote en 1609. Estudió llingües indíxenes nel colexu de Tepotzotlán, aprendió otomí con un maestru indíxena y náhuatl col padre Antonio del Rincón, mestizu emparentáu cola nobleza texcocana.
De la mesma enseñó llingües indíxenes hasta 1638 que foi nomáu rector del Colexu Máximu de San Pedro y Pablo na Ciudá de Méxicu. En 1644 concluyó'l Arte de la llingua mexicana[4] que foi revisáu y emponderáu pol padre Balthazar González S.J y el so amigu Bartholomé de Alva quien traduxera les comedies de Lope y l'autu sacramental El gran teatru del mundu de Calderón de la Barca al náhuatl.[3]
En 1645 sumió'l cargu de viceprepósito de la Casa Profesa na Ciudá de Méxicu y de consultor de la provincia. Dos años dempués, en 1647, asumió'l cargu de prepósito. En 1657 tornó a Tepotzotlán onde morrería años más tarde. Tamién ye autor de la Gramática del Arte y el Vocabulariu de la llingua otomí que'l padre Ángel María Garibay allugaba inéditu na Coleición de Manuscritos de Llingües Indíxenes de la Biblioteca Nacional de Méxicu[5] pero qu'otres fontes dan per tresmanáu.[6]
Trabayos[editar | editar la fonte]
- Arte de la lengua mexicana con la declaración de todos sus adverbios, impresu en Méxicu en 1645
- Vocabulario copioso de la lengua mexicana
- Gramática de la lengua otomí
- Vocabulario otomí
- Sermones en lengua mexicana
Referencies[editar | editar la fonte]
- ↑ Afirmao en: Catholic Encyclopedia. Identificador Catholic Encyclopedia: 03371a. Apaez como: Horacio Carochi. Data de consulta: 9 ochobre 2017. Llingua de la obra o nome: inglés. Data d'espublización: 1995.
- ↑ URL de la referencia: http://trove.nla.gov.au/people/1150550?q&c=people, , , , . Data de consulta: 3 xunetu 2019.
- ↑ 3,0 3,1 León Portilla, Miguel (1983). Miguel León Portilla: Estudio introductoriu a Arte de la Llingua Mexicana de Horacio Carochi (en castellán). Universidá Nacional Autónoma de Méxicu, páx. XIII. ISBN 9685805865.
- ↑ Carochi, Horacio (1983). Miguel León Portilla: L'arte de la llingua mexicana. Edición facsimilar (en castellán). Universidá Nacional Autónoma de Méxicu. ISBN 9685805865.
- ↑ Garibay, Ángel María (1653-1954). Historia de la lliteratura náhuatl v. 2 (en castellán). Porrúa, páx. 201.
- ↑ «Horacio Carochi».
