Higinio Carrocera

De Wikipedia
Saltar a navegación Saltar a la gueta
Higinio CarroceraPicto infobox auteur.png
Vida
Nacimientu

Barros1908

[5]
Nacionalidá Flag of Spain.svg España
Muerte

Uviéu8  de mayu de 1938

(29/30 años)
Estudios
Llingües castellanu
Oficiu
Oficiu escritor, historiador, políticusindicalista
Miembru de Confederación Nacional del Trabayu
Cambiar los datos en Wikidata

Higinio Carrocera Mortera (1908Barros - 8  de mayu de 1938Uviéu) foi un históricu anarcosindicalista asturianu con destacada actuación na Revolución Asturiana de 1934 y nel desendolcu de la Guerra Civil n'Asturies.

Carrocera nació en 1908 na llocalidá de Barros en Llangréu. Entamó a trabayar de metalúrxicu en Duro Felguera y afilióse de mui mozu na CNT, sindicatu mayoritariu ente los metalúrxicos en La Felguera.

Participó activamente na Revolución de 1934 na que dirixó una columna que dende La Felguera aportó a Uviéu'l 6 d'ochobre.

Tres la derrota de la Revolución pudo escapar pero foi deteníu en Zaragoza el 7 d'agostu de 1935 xunto a Constantino Antuña Huerta y lleváu a la cárcele d'Uviéu. Conocía la victoria del Frente Popular nes eleiciones de febreru de 1936 participo nel motín de presos que consiguió la llibertá d'éstos el 20 de febreru, un día enantes de promulgase l'amnistía.

Al entamar la Guerra civil el 19 de xunetu, participó na toma del cuartel de la Guardia Civil de la Felguera y depués marchó al frente de 400 anarcosindicalistes de La Felguera hacia Xixón onde tuvo un papel destacáu n'aiciones que permitieron la toma de los cuarteles d'El Coto y Simancas. Foi feríu en setiembre de 1936 en Villafría, na llucha escontra les columnes gallegues. Confirmáu como Mayor de milicies foi ún de los más sobresalientes mandos del exercitu popular.

Recibió la medaya de la llibertá pola so heroica actuación y la de la so brigada na dura Batalla del Mazucu (Llanes) de setiembre de 1937, na que pudo detener dellos díes l'avance de les Brigaes Navarres. Feríu nestos combates, nun tardó en incorporase otra vuelta al frente.

Cayía Asturies en manes del exercitu franquista, foi deteníu y lleváu a un campu de concentración en Galicia. Al ser reconocíu foi conducíu a Asturies onde ingresó el 3 de xineru na cárcel d'Uviéu. Al mes siguiente, 21 de febreru compareció ente un Conseyu de Guerra que lu condergó a muerte, siendo fusiláu el 8 de mayu de 1938.

  1. Identificador Universidá de Barcelona: a1382432. Apaez como: Higinio Carrocera Mortera. Data de consulta: 9 ochobre 2017.
  2. URL de la referencia: http://cantic.bnc.cat/registres/fitxa/199629. Apaez como: Higinio Carrocera Mortera. Data de consulta: 9 ochobre 2017.
  3. Afirmao en: Biblioteca Nacional d'España. Identificador BNE: XX5291632. Apaez como: Higinio Carrocera Mortera. Data de consulta: 9 ochobre 2017.
  4. URL de la referencia: http://cantic.bnc.cat/registres/fitxa/199565. Apaez como: Higinio Carrocera Mortera. Data de consulta: 9 ochobre 2017.
  5. Afirmao en: Autoritats UB. Identificador Universidá de Barcelona: a1382432. Apaez como: Higinio Carrocera Mortera.