Henry Bergman

Henry Bergman
Vida
Nacimientu	San Francisco, 23 de febreru de 1868
Nacionalidá	Estaos Xuníos
Muerte	Hollywood, 22 d'ochobre de 1946 (78 años)
Sepultura	Hillside Memorial Park (en)
Causa de la muerte	infartu de miocardiu
Oficiu
Oficiu	actor de teatru, actor de cine, escritor de non ficción, productor de cine
IMDb	nm0074788

Henry Bergman (23 de febreru de 1868, San Francisco – 22 d'ochobre de 1946, Hollywood) foi un actor d'Estaos Xuníos conocíu pol so trabayu xunto a Charlie Chaplin.

Biografía

Empezó trabayando como actor de teatru en Broadway, en 1899. La so primer apaición nuna película foi con The L-KO Kompany en 1914 a la edá de cuarenta y seis años.

En 1916, Bergman empezó a trabayar con Charlie Chaplin, y actuó en películes como Charlot, músicu ambulante, The Rink y Charlot, emprestador.

Fotograma de The Immigrant: John Rand (1871 - 1940), Eric Campbell, Chaplin, Edna Purviance, H. Bergman y Frank J. Coleman (1886 - 1934).

Mientres el restu de la so carrera, Bergman siguió ayudando a Chaplin, trabayando como asistente. Trabayó en delles películes de Chaplin como The Gold Rush, The Immigrant y The Circus.

La última actuación de Bergman nel cine foi en Tiempos modernos como dueñu d'un restorán, y el so últimu trabayu detrás de la cámara foi en The Great Dictator, en 1940.

Chaplin ayudó a Bergman nel financiamiento del so restorán "Henry's", en Hollywood, que foi abondo popular ente les celebridaes, amás de sirvir como precursor del "Brown Derby".

Henry Bergman siguió amestáu a Chaplin Studios hasta la so muerte d'un ataque cardiacu en 1946. Foi soterráu nel Hillside Memorial Park Cemetery, de Culver City (California).

Enllaces esternos

• Henry Bergman na Internet Movie Database (n'inglés)

• Henry Bergman na Internet Broadway Database (n'inglés)

• Ficha nel sitio Find a Grave.

• Datos: Q718451
• Multimedia: Henry Bergman