Helen Quinn

De Wikipedia
Saltar a navegación Saltar a la gueta
Helen Quinn
Helen Quinn1.jpg
Vida
Nacimientu

Melbourne19  de mayu de 1943

(76 años)
Nacionalidá Bandera de Estaos Xuníos d'América Estaos Xuníos
Bandera de Australia Australia
Estudios
Estudios Universidá Stanford Philosophiæ doctor
DESY Traducir
Universidá de Melbourne
Direutor/a de tesis James Bjorken
Llingües inglés
Oficiu
Oficiu física y profesora universitaria
Emplegadores Universidá de Harvard
Universidá Stanford
Premios
Miembru de Academia Nacional de Ciencies de los Estaos Xuníos
Academia Estauxunidense de les Artes y les Ciencies
Sociedá Filosófica Americana
Cambiar los datos en Wikidata

Helen Rhoda Arnold Quinn (Melbourne, 19 de mayu de 1943)[1] ye una física australiana naturalizada estauxunidense que les sos contribuciones na busca d'una teoría unificada pa los trés tipos d'interacciones de partícules (fuerte, electromagnética y débil) fueron reconocíos por dellos premios, incluyendo la Medaya Dirac del ICTP.[2] En 2005 foi nomada Oficial d'Honor de la Orde d'Australia, «pol so serviciu a la investigación científica del campu de la física teórica y l'educación» (el premiu yera honoríficu porque yá nun yera ciudadana australiana).[3]

Biografía[editar | editar la fonte]

Estudió en Victoria (Australia) y cursó los sos estudios cimeros na Universidá de Melbourne antes de camudase a los Estaos Xuníos na so tresferencia a la Universidá Stanford. Recibió'l so Ph.D. de Stanford en 1967, nuna dómina en que menos del 2 % de los físicos yeren muyeres. Fixo'l so trabayu posdoctoral nel DESY (Sincrotrón Alemán d'Electrones), allugáu en Hamburgu (Alemaña). Pasó otros siete años na Universidá de Harvard antes de tornar a Stanford, onde anguaño ye profesora de Física nel Stanford Linear Accelerator Center.

Contribución a la física[editar | editar la fonte]

Nel so llabor al llau de Howard Georgi y Steven Weinberg, demostró cómo los trés tipos d'interacciones de partícules (fuertes, electromagnétiques y débiles), que tienen distintes formes d'afectar la redolada qu'arrodia al ser humanu, vuélvense desaxeradamente similares a los procesos d'alta enerxía y asina los trés aspeutos podríen ser una única fuercia unificada.[4] Tamién suxurió una posible simetría, non esacta, del universu (agora conocida como simetría Peccei-Quinn)[5] pa esplicar cómo les interacciones fuertes pueden caltener simetría CP (la simetría ente materia y antimateria) cuando nun esisten les interacciones débiles. Una consecuencia d'esta teoría ye una partícula conocida como axión —qu'entá nun foi reparáu—, pero ye unu de los candidatos pa la materia escuro que trescala l'universu.

Esplicó cómo la física de los quarks puede utilizase pa predicir ciertos aspeutos ensin cubrir pola física d'hadrones (que son partícules feches de quarks), independientemente de la estructura del hadrón en cuestión (en collaboración con Enrico Poggio y Steven Weinberg).[6] Esta propiedá útil agora conozse como la dualidá de quarks y hadrones.

Impartió charres públiques en dellos países sobre «la antimateria perdida», na que propón qu'esta área d'investigación ye prometedora. Tuvo un llargu compromisu cola educación. En California, trabaya con maestros de primaria y secundaria p'averar y emocionar la física a los estudiantes.[7] Preside la Xunta d'Educación de la Ciencia del Conseyu Cimeru d'Investigaciones Científiques (NAS) y participó en dellos de los sos estudios.

Delles publicaciones[editar | editar la fonte]

Referencies[editar | editar la fonte]

  1. Yount, Llisa (2007). «Quinn, Helen Rhoda Arnold», A to Z of Women in Science and Math (n'en). Nuevu York: Infobase Publishing, 248. ISBN 978-1-438-10795-0.
  2. Hellen R. Quinn. CWP, UCLA, and UC Regents. 1995 - 1998 (inglés).
  3. It's an Honour (inglés).
  4. Georgi, H. «Hierarchy of interactions in Unified Gauge Theories» (n'en). Physical Review Letters 33 (7). doi:10.1103/PhysRevLett.33.451. Bibcode1974PhRvL..33..451G. http://link.aps.org/doi/10.1103/PhysRevLett.33.451. 
  5. Peccei, RD. «CP conservation in the presence of pseudoparticles» (n'en). Physical Review Letters 38 (25). doi:10.1103/PhysRevLett.38.1440. Bibcode1977PhRvL..38.1440P. 
  6. Poggio, EC. «Smearing method in the quark model» (n'en). Physical Review D 13 (7). doi:10.1103/PhysRevD.13.1958. Bibcode1976PhRvD..13.1958P. http://journals.aps.org/prd/abstract/10.1103/PhysRevD.13.1958. 
  7. «Contemporary Physics Education Project» (en). Consultáu'l 12 de xunu de 2014.






Helen Quinn