Hedda Nova

De Wikipedia
Hedda Nova
Vida
Nacimientu Atascadero (es) Traducir15 de mayu de 1889
Muerte Atascadero (es) Traducir16 de xineru de 1981 (91 años)
Oficiu actrizactriz de cine
IMDb nm0636763
Cambiar los datos en Wikidata

Hedda Nova (15 de mayu de 1889Atascadero (es) Traducir – 16 de xineru de 1981Atascadero (es) Traducir) foi una actriz cinematográfica d'orixe ucranianu, que la so carrera trescurrió nos Estaos Xuníos na dómina del cine mudu, actuando nun total de 25 filmes estrenaos ente 1917 y 1926.

Biografía[editar | editar la fonte]

El so verdaderu nome yera Hedda Puscewski[1], y nació en Odesa, naquel momentu parte del Imperiu rusu, y anguaño n'Ucraína. El so padre yera un fabricante de pianos, y Hedda cursó estudios nuna institución educativa alemana.[2]

El so primer filme foi The Bar Sinister (1917), producíu por Edgar Lewis Productions Inc. En 1918 actuó nel serial A Woman in the Web, de Vitagraph Studios, faciendo'l papel de la Princesa Olga Muratoft.

Mientres 17 años trabayó como actriz cinematográfica nos Estaos Xuníos, pero nun superó la transición al cine sonoru, pola dificultá de falar l'inglés ensin acentu. La so última película foi My Own Pal (1926), de Fox Film, na que trabayó con Tom Mix. Tres ella nun volvió actuar ante les cámares.

Casada col actor y direutor Paul Hurst el 4 de payares de 1919, Hedda Nova finó en Atascadero, California, en 1981, por causa de una enfermedá cardiovascular.

Seleición de la so filmografía[editar | editar la fonte]

Cartelu del filme The Spitfire of Seville (1919), en Motion Picture News, 19 de xunetu de 1919, p. 720.
  • The Bar Sinister (1917)
  • A Woman in the Web (1918)
  • The Crimson Gardenia (1919)
  • The Spitfire of Seville (1919)
  • The Mask (1921)
  • Golden Silence (1923)
  • The Gold Hunters (1925)
  • My Own Pal (1926)

Referencies[editar | editar la fonte]

  1. Hedda Nova en Pinterest
  2. Hedda Nova en Pinterest, consultada'l 22 de xunu de 2014.

Enllaces esternos[editar | editar la fonte]