Hayes Gordon

De Wikipedia
Saltar a navegación Saltar a la gueta
Hayes Gordon
Hayes Gordon
Vida
Nacimientu Boston25  de febreru de 1920
Nacionalidá Bandera de Estaos Xuníos d'América Estaos Xuníos
Fallecimientu

Sydney19  d'ochobre de 1999

(79 años)
Familia
Casáu/ada con Helen Terry
Oficiu
Oficiu actor, actor de teatru y actor de cine
IMDb nm0330249
Cambiar los datos en Wikidata

Hayes Gordon AO OBE (25 de febreru de 1920 - 19 d'ochobre de 1999) foi un actor, direutor d'escena y profesor d'interpretación norteamericanu con una considerable parte de la so carrera desenvuelta n'Australia.

Gordon nació en Boston, Massachusetts. El so mentor foi Oscar Hammerstein, y apaeció en Broadway n'ensame de musicales, incluyendo la producción orixinal de Oklahoma! (1943), Show Boat y Brigadoon. Tamién apaeció nel primer culebrón televisivu d'Estaos xuníos llamáu Fashion Story. Foi nomáu nel periódicu Red Networks, que dedicábase a nomar supuestos comunistes y simpatizantes, y en negándose en 1951 a signar un xuramentu conforme nun yera comunista, el so trabayu terminó dafechu.[1]

Entós treslladóse a Sydney, Australia en 1952 de mano el musical Kiss Me, Kate. Permaneció nes contornes y fundó el Ensemble Theatre[2] in North Sydney con un grupu de mozos estudiantes a los qu'enseñara nel Independent Theatre. Esti teatru d'estilu cooperativu foi'l primeru n'Australia del tipu "theatre-in-the-round" (teatru nel que'l públicu ta asitiáu de forma qu'arrodia al escenariu dafechu). Tamién fundó l'academia de teatru más llonxeva d'Australia, la Ensemble Studios, mientres la década de los 50, que finalmente cerró en 2009. Hasta'l fin de la so vida foi direutor de dicha academia. Yá escontra'l final de la so vida publicó Acting and Performing que desarrollava la so influencia Stanislavsky nos métodes d'actuación. Nel añu 1986 asocedió-y nel cargu de direutu del Ensemble Theatre a Sandra Bates.

Hayes foi un gran amigu y mentor de l'actriz australiana Denise Roberts, qu'enseñó cine y televisión nel Ensemble Studios mientres 6 años. En septiembre del 2000, Denise fundó Screenwise y inció la enseñanza de la filosofía d'actuación en cine de Hayes Gordon.

Casóse en 1980 con Helen Terry y tuvieron xuntos hasta la so muerte. Tien una fía, Kati, que vivió cola so madre n'EEXX.

Foi-y dada la Orde del Imperiu británicu (OBE) nel New Year's Honours de 1979,[3] y la Orde d'Australia (AO) nel Día d'Australia Honours de 1997,[4] poles sos contribuciones nel campu de les artes.

Morrió en Sydney d'enfermedá del corazón.

Referencies[editar | editar la fonte]

  1. Katrina Strickland, article An ideal life, in The Weekend Australian, 23–24 August 1997, p. 11.
  2. «AusStage - Gateway to the Australian Performing Arts». AusStage (contributor Hayes Gordon). Consultáu'l 29 d'abril de 2008.
  3. It's an Honour: OBE
  4. It's an Honour: AO

Enllaces esternos[editar | editar la fonte]