Hassaleh

De Wikipedia
Saltar a navegación Saltar a la gueta
Hassaleh
Hassaleh
Constelación Auriga
Ascensión reuta α 04h 56min 59,62s
Declinación δ +33º 09’ 57,9’’
Distancia 512 ± 77 años lluz
Magnitú visual +2,69
Magnitú absoluta -3,29
Lluminosidá 5400 soles
Temperatura 4390 K
Masa 7 - 9 soles
Radiu 106 - 128 soles
Tipu espectral K3II
Velocidá radial +17,5 km/s

Hassaleh (ι Aurigae / ι Aur / 3 Aurigae)[1] ye una estrella de magnitú aparente +2,69, la cuarta más brillosa na constelación d'Auriga dempués de Capella (α Aurigae), Menkalinan (β Aurigae) y θ Aurigae. Tamién recibe los nomes de Al Kab y Kabdhilinan, dambos d'orixe árabe, y en chinu ye conocida como 五車一, «la Primer Estrella de los Cinco Carros». Ta asitiada a 512 años lluz del Sistema Solar.

De tipu espectral K3II, Hassaleh ye una xigante lluminosa de color anaranxáu con una temperatura superficial de 4390 K y una lluminosidá 5400 vegaes mayor que la solar. El so diámetru, calculáu a partir d'estos parámetros, ye 128 vegaes más grande qu'el del Sol —equivalente a 0,6 UA—, valor daqué mayor que'l llográu a partir de la midida direuta del so diámetru angular, igual a 106 radios solares.[2]

Con una masa de 7 o 9 mases solares —el valor exautu depende del estáu evolutivu nel que s'atope— nel so interior probablemente produzse la fusión de heliu en carbonu. La so edá ta entendida ente 30 y 45 millones d'años y ta na llende de masa p'acabar los sos díes como una supernova o como una nana blanca masiva. Coles mesmes ye una fonte emisora de rayos X, siendo una de les llamaes «estrelles de cromosfera híbrida», nes cualos una corona caliente coesiste con vientos fríos provenientes de la so superficie.[2]

Referencies[editar | editar la fonte]