Harry el suciu
Harry el suciu (orixinalmente n'inglés: Dirty Harry) ye una película de 1971 dirixida por Don Siegel ya interpretada por Clint Eastwood, Andrew Robinson, Reni Santoni, John Vernon y Harry Guardino nos papeles principales. Basóse nun casu verídicu, el del asesín del Zodiacu.
Doblaxe n'asturianu
[editar | editar la fonte]Doblada al asturianu por Gonzali Producciones estrenóla la Radiotelevisión del Principáu d'Asturies nuna emisión el 2 de xineru de 2015. Esta empresa fizo un casting ente más de cien persones pa escoyer al repartu del versionáu, que formaron 34 dobladores. Illán Gonzali dirixó y produció'l versionáu.
Argumentu
[editar | editar la fonte]Harry Callahan (Clint Eastwood) ye un policía que se crió na cai. Los sos compañeros nómenlu «Dirty Harry» polos particulares métodos qu'emplega na llucha contra'l crimen y porque siempres s'encarga de los trabayos más desagradables. En San Francisco, un francotirador mató yá a dos persones. Harry va ser l'encargáu de resolver el casu.
Comentarios
[editar | editar la fonte]Clint Eastwood contribuyó col so carisma a perfacer un personaxe que diba convertise n'iconu. Amás, el so antagonista en pantalla, Andy Robinson, llogró ún de los psicópates más famosos de la historia del cine. L'ésitu en taquilla de la película condució a la producción de cuatro secueles. Harry Callahan tamién contribuyó a facer popular el revólver Modelu 29 calibre .44 Magnum de Smith & Wesson. El filme tuvo prohibíu en Finlandia hasta 1972 y censuráu en Noruega y Portugal. Les escenes rodáronse n'esteriores reales de la ciudá de San Francisco; sacante la del atracu del bancu, que se filmó nuna cai falsa d'estudiu.
Repartu
[editar | editar la fonte]| Personaxe | Voz n'inglés | Doblaxe al asturianu |
|---|---|---|
| Harry Callahan | Clint Eastwood | Carlos Novoa |
| Chico González | Reni Santoni | Pablo Moro |
| Teniente Bressler | Harry Guardino | José Antonio Lobato |
| Escorpio | Andrew Robinson | Félix Corcuera |
| Alcalde | John Vernon | Francisco Otero |
| De Georgio | John Mitchum | Andrés Presumido |
| Chico Modesto | Larry Duran | Carlos Alba |
| Conductora del bus | Ruth Kobart | Ana Blanco Rozada |
| Xefe de policía | John Larch | José Rico |
| Fiscal | Josef Sommer | Lluis Antón González |
| Xuez Bannerman | William Paterson | Eladio Sánchez |
| Llicoreru | James Nolan | Xuan Coll |
| Steve | Charles Washburn | Alfredo Yugueros |
| Doctor | Marc Hertsens | Herminio García-Riaño |
| Sid Kleinman | Maurice Argent | Dani García de la Cuesta |
| Mary "La caliente" | Lois Foraker | Jana Suárez |
| Alice | David Gilliam | Carlos Dávila |
| Norma | Lyn Edginton | Lucía Menéndez Díaz-Palacio |
Otros dobladores que participaron nel doblaxe son Íñigo Varela, Ángel Héctor Sánchez, Hugo García, Silvino Torre, Asier Arteche, Marisa López Diz, Graciela Oliveira, Sergio Buelga, Santiago Robles, Miguel Ángel Suárez, Xandru Martino, Gilberto Ramírez, Luis Ortíz, María Rendueles, Alfredo López Castaño, Andrés Coto y Patricia Vega.
Referencies
[editar | editar la fonte]- 1 2 URL de la referencia: http://www.allocine.fr/film/fichefilm_gen_cfilm=381.html. Data de consulta: 8 abril 2016.
- 1 2 3 4 URL de la referencia: http://stopklatka.pl/film/brudny-harry. Data de consulta: 8 abril 2016.
- ↑ URL de la referencia: https://itunes.apple.com/us/movie/dirty-harry/id530783541. Data de consulta: 8 abril 2016.
- 1 2 3 4 5 URL de la referencia: http://www.imdb.com/title/tt0066999/fullcredits. Data de consulta: 8 abril 2016.
- 1 2 3 4 5 6 7 Afirmao en: Česko-Slovenská filmová databáze. Llingua de la obra o nome: checu. Data d'espublización: 2001.
- ↑ URL de la referencia: https://www.cnc.fr/professionnels/visas-et-classification/39452.
- ↑ «Internet Movie Database» (inglés). Consultáu'l 11 avientu 2023.
Enllaces esternos
[editar | editar la fonte]- Páxina web oficial (n'inglés)
