Hanna Hammarström

De Wikipedia
Hanna Hammarström
Vida
Nacimientu Estocolmu4 de setiembre de 1829
Nacionalidá Bandera de Suecia Suecia
Muerte Estocolmu27 de payares de 1914 (85 años)
Oficiu inventora, inxenieraempresaria
Cambiar los datos en Wikidata

Hanna Hammarström (4 de setiembre de 1829Estocolmu – 27 de payares de 1914Estocolmu) foi una inventora sueca. Foi la primer persona en Suecia en producir cables de teléfonu de manera comercial.[1] Hanna fabricó los cables pa la primer rede telefónica sueca. Coles mesmes esportó cable a Finlandia.[1]

Hanna Hammarström foi la fía del comerciante d'algodón y seda Per Hammarström (m. 1868) y Christina Holmberg. El so padre quixo que tolos sos fíos aprendieren un oficiu, polo qu'ella aprendió a fabricar dellos tipos d'adornos y ornamientos. Anque los cables de teléfonu yá taben inventaos, la forma de fabricalos nun se conocía en Suecia, polo que la rede telefónica sueca dependía de los fabricantes estranxeros. Hammarström llogró desenvolver un métodu de fabricación de cables de teléfonu a partir de la so maña en fabricar adornos fechos de cuerdes de metal. Empezó la so propia fábrica, y en 1883 fíxose cargu de la provisión de cables de teléfonu a la compañía telefónica sueca. Tuvo'l monopoliu de la producción mientres los años 1880 y 1890. Na so fábrica n'Estocolmu namái emplegó a muyeres, a les qu'entrenó personalmente. En 1886, foi gallardoniada col primer premiu pola so invención nuna esposición de maquinaria n'Estocolmu.[1]

Referencies[editar | editar la fonte]

  1. 1,0 1,1 1,2 Hellander, Adolf (29 d'abril de 1898). «Hanna Hammarström» (en suecu). IDUN:  páxs. 129–130. http://trivux.ub.gu.se/fasta/laban/erez/kvinnohistoriska/tidskrifter/idun/1898/pdf/1898_17.pdf. 

Enllaces esternos[editar | editar la fonte]