HP Bootis

De Wikipedia
Saltar a navegación Saltar a la gueta
HP Bootis
HP Bootis
Constelación Boötes
Ascensión reuta α 14h 50min 15,8s
Declinación δ +23º 54’ 43’’
Distancia 59,3 ± 0,3 años lluz
Magnitú visual +5,88
Magnitú absoluta +4,60
Lluminosidá 1,2 soles
Temperatura 5943 K
Masa 1,35 soles
Radiu 0,99 soles
Tipu espectral G2V
Velocidá radial +1,5 km/s

HP Bootis (HP Boo / HD 130948 / HR 5534 / GJ 564)[1] ye una estrella de magnitú aparente +5,88 asitiada na constelación de Boötes, el pastor de gües. Dos nanes marrones orbitan alredor d'esta estrella, asitiada a 59,3 años lluz del Sistema Solar.

HP Bootis ye una nana mariella de tipu espectral G2V[1] con una temperatura superficial de 5943 K.[2] D'igual tamañu qu'el Sol, tien una masa un 35% mayor que la masa solar y relluma con una lluminosidá un 20% mayor que la lluminosidá solar.[3] Estudios d'actividá cromosférica y xirocronoloxía indiquen que ye una estrella nueva con una edá averada de 790 millones d'años.[4] En comparanza al Sol, esta nueva análoga solar amuesa una alta velocidá de rotacion igual o superior a 6,00 km/s, con un periodu de rotación de 7,84 díes —el Sol emplega aprosimao 26 díes en completar un xiru—. Al ser una estrella cromosféricamente activa, ta catalogada como variable BY Draconis.[5] El so metalicidá paez ser llixeramente inferior a la esistente nel Sol ([Fe/H] = -0,04).[6]

Binaria de nanes marrones[editar | editar la fonte]

A 2,6 segundos d'arcu de HP Bootis alcuéntrase un sistema binariu formáu por dos nanes marrones de tipu espectral L4, denominaes HD 130948 B y HD 130948 C; la separación ente estes compañeres subestelares ye <= 0,13 segundos d'arcu. El periodu orbital d'esta binaria ye de 9,9 díes y la so masa conxunto 0,109 ± 0,02 mases solares. D'alcuerdu a distintos modelos evolutivos la masa de caúna d'elles sería llixeramente cimera a 0,05 mases solares y tendríen un diámetru en redol al 10% del diámetru solar. Dambos oxetos son bien paecíos, con una temperatura de 2000 K.[4]

Nome Masa Radiu Temperatura
HD 130948 B 0,0554 - 0,0558 MSol 0,0983 - 0,1048 RSol 1990 - 2040 K
HD 130948 C 0,0528 - 0,0532 MSol 0,0983 - 0,1045 RSol 1900 - 1950 K

Referencies[editar | editar la fonte]