HIP 79431

De Wikipedia
Saltar a navegación Saltar a la gueta
HIP 79431
HIP 79431
Constelación Escorpiu
Ascensión reuta α 16h 12min 41,77s
Declinación δ -18º 52’ 31,8’’
Distancia 49 ± 3 años lluz
Magnitú visual +11,34
Magnitú absoluta +10,47
Lluminosidá 0,016 soles
Temperatura 3191 K
Masa 0,49 soles
Tipu espectral M3V

HIP 79431 (LP 804-27 / NLTT 42226)[1] ye una estrella na constelación del Escorpión, visualmente a 30 minutos d'arcu de ν Scorpii. Bien tenue, tien magnitú aparente +11,34, polo que nun resulta visible a simple vista. En 2010 anuncióse'l descubrimientu d'un planeta estrasolar n'órbita alredor d'esta estrella.

HIP 79431 ye una nana colorada de tipu espectral M3V con una temperatura superficial de 3191 ± 100 K. Les sos carauterístiques físiques son bien similares a les de Struve 2398 A, Gliese 687 o Gliese 832, pero HIP 79431 alcuéntrase a 49 años lluz de Sistema Solar, muncho más alloñada que cualesquier de les estrelles anteriores. La so masa envalorada ye de 0,49 mases solares y la so metalicidá —bayura relativa d'elementos más pesaos qu'el heliu— ye mayor que nel Sol ([Fe/H] = +0,4 ± 0,1). Nun amuesa una actividá cromosférica especialmente alta.[2]

Sistema planetariu[editar | editar la fonte]

El planeta, llamáu HIP 79431 b, tien una masa mínimo 2,1 vegaes mayor que la masa de Xúpiter, siendo unu de los planetes estrasolares más masivos descubiertos alredor d'una nana de tipu M. Anque nun puede refugase totalmente que sía una nana marrón y non un planeta, estadísticamente esiste'l 98,5% de probabilidaes de que la masa de HIP 79431 b tea entendida ente 2,1 y 12 vegaes la masa de Xúpiter. La separación media al respective de la estrella ye de 0,36 UA y el so periodu orbital ye d'aprosimao 112 díes.[3]

Acompañante
(N'orde dende la estrella)
Masa
(MJ)
Periodu orbital
(díes)
Semiexe mayor
(UA)
Escentricidá
HIP 79431 b > 2,1 111,7 ± 0,7 0,36 0,29

Ver tamién[editar | editar la fonte]

Referencies[editar | editar la fonte]

  1. LP 804-27 -- High proper-motion Star (SIMBAD)
  2. Apps, Kevin; Clubb, Kelsey I.; Fischer, Debra A.; Gaidos, Eric; Howard, Andrew; Johnson, John A.; Marcy, Geoffrey W.; Isaacson, Howard; Giguere, Matthew J.; Valenti, Jeff A.; Rodriguez, Victor; Chubak, Carly; Lepine, Sebastien. «M2K: I. A Jupiter-Mass Planet Orbiting the M3V Star HIP 79431». Publications of the Astronomical Society of the Pacific 122 (888). pp. 156-161. http://cdsads.u-strasbg.fr/cgi-bin/nph-bib_query?2010PASP..122..156A&db_key=AST&nosetcookie=1. 
  3. HIP 79431 (The Estrasolar Planets Encyclopaedia)