HD 90156

De Wikipedia
Saltar a navegación Saltar a la gueta
HD 90156
HD 90156
Constelación Hidra
Ascensión reuta α 10h 23min 55,3s
Declinación δ -29º 38’ 44’’
Distancia 72 ± 1 años lluz
Magnitú visual +6,95
Magnitú absoluta +5,20
Lluminosidá 0,72 soles
Temperatura 5599 K
Masa 0,84 soles
Radiu 0,90 soles
Tipu espectral G5V
Velocidá radial +26,4 km/s

HD 90156 (HIP 50921 / SAO 178771 / GJ 3597)[1] ye una estrella de magnitú aparente +6,95. Ta encuadrada na constelación d'Hidra cerca de la llende con Antlia, a pocu más de 1,5º al norte de α Antliae. Distante 72 años lluz del Sistema Solar, dende 2009 conozse la esistencia d'un planeta estrasolar n'órbita alredor d'esta estrella.[2]

Carauterístiques físiques[editar | editar la fonte]

HD 90156 ye una nana mariella de tipu espectral G5V;[1] ye, poro, una estrella de la secuencia principal como'l Sol pero daqué más fría y tenue qu'ésti. La so temperatura efectivo ye de 5599 ± 12 K y relluma con una lluminosidá equivalente al 72% de la lluminosidá solar. Ello ye consecuencia de la so menor masa, un 16% inferior a la masa solar. Les sos carauterístiques son asemeyaes a les de 82 Eridani o 61 Virginis, ésta última tamién con un sistema planetariu.

El radiu envaloráu de HD 90156 ye un 10% más pequeñu qu'el del Sol.[3] La so velocidá de rotación proyeutada ye de menos de 1 km/s, siendo el so periodu de rotación de 26 ± 3 díes. El so metalicidá ye pocu más de la metá de la que tien el Sol ([Fe/H] = -0,24 ± 0,01). Tocantes a la so edá, ésta envalórase en 4400 millones d'años,[2] magar otra fonte señala una antigüedá significativamente menor de 2600 millones d'años.[3]

Sistema planetariu[editar | editar la fonte]

El planeta descubiertu, HD 90156 b, orbita a una distancia media de 0,25 UA al respective de la estrella, emplegando casi 50 díes en completar el so órbita. Esti planeta foi consideráu un «Neptunu caliente» —asemeyáu a los planetes del tipu «Xúpiter caliente» pero de menos masa—, siendo la so masa mínimo 17,98 vegaes mayor que la de la Tierra.[2][4]

Acompañante
(N'orde dende la estrella)
Masa
(MJ)
Periodu orbital
(díes)
Semiexe mayor
(UA)
Escentricidá
HD 90156 b 0,057 ± 0,0046 49,77 ± 0,07 0,25 ± 0,004 0,31 ± 0,1

Ver tamién[editar | editar la fonte]

Referencies[editar | editar la fonte]