HD 73267

De Wikipedia
Saltar a navegación Saltar a la gueta
HD 73267
HD 73267
Constelación Pyxis
Ascensión reuta α 08h 36m 17,78s
Declinación δ -34º 27’ 35,9’’
Distancia 179 ± 10 años lluz
Magnitú visual +8,90
Magnitú absoluta +5,20
Lluminosidá 0,78 soles
Temperatura 5317 K
Masa 0,89 soles
Radiu 1,04 soles
Tipu espectral G5V
Velocidá radial +51,3 km/s

HD 73267 (HIP 42202 / SAO 199418)[1] ye una estrella asitiada na constelación de la Brúxula de magnitú aparente +8,90, polo que nun ye observable a simple vista. En 2008 anuncióse'l descubrimientu d'un planeta estrasolar orbitando alredor d'esta estrella.[2]

Asitiada a 179 años lluz del Sistema Solar, HD 73267 ye una nana mariella de tipu espectral G5V. Llixeramente más fría qu'el Sol, tien una temperatura efectivo de 5317 K. El so radiu ye un 4% mayor del que tien el Sol y relluma con una lluminosidá equivalente al 78% de la lluminosidá solar.[2]

La metalicidá de HD 73267, datu xeneralmente rellacionáu cola presencia de sistemes planetarios, ye comparable a la solar ([Fe/H] = +0,03). Rota más amodo que'l Sol, con una velocidá de rotación envalorada de 1,65 km/s, a la que correspuende un periodu de rotación de 42 díes. Tien una masa de 0,89 mases solares y paez ser significativamente más antigua que'l Sol, con una edá en redol a 7400 millones d'años.[2]

Sistema planetariu[editar | editar la fonte]

El espectrógrafu HARPS, instaláu nel Observatoriu de La Siella (Chile), dexó afayar en 2008 la esistencia d'un planeta estrasolar n'órbita alredor de HD 73267. Denomináu HD 73267 b, tien una masa mínimo tres veces mayor que la del planeta Xúpiter. Orbita a una distancia media de 2,2 UA al respective de la estrella, completando una órbita cada 1260 díes (3,45 años).[2][3]

Acompañante
(N'orde dende la estrella)
Masa
(MJ)
Periodu orbital
(díes)
Semiexe mayor
(UA)
Escentricidá
HD 73267 b > 3,06 ± 0,07 1260 ± 7 2,198 ± 0,025 0,256 ± 0,009

Ver tamién[editar | editar la fonte]

Referencies[editar | editar la fonte]

Coordenaes: Sky map 8h 36m 17.776s, -34° 27 35.919