HD 47536

De Wikipedia
Saltar a navegación Saltar a la gueta
HD 47536
HD 47536
Constelación Can Mayor
Ascensión reuta α 06h 37min 47,62s
Declinación δ -32º 20’ 23,0’’
Distancia 396 años lluz
Magnitú visual +5,26
Magnitú absoluta -0,16
Lluminosidá 174 soles
Temperatura 4380 K
Radiu 23,6 soles
Tipu espectral K0III
Velocidá radial +78,8 km/s

HD 47536 (HR 2447 / HIP 31688) ye una estrella na constelación del Can Mayor, asitiada cerca de la llende con Puppis y Columba, de magnitú aparente +5,26. Alcuéntrase a 396 años lluz del Sistema Solar. En 2003 y 2007 afayáronse dos planetes estrasolares orbitando alredor d'esta estrella.

HD 47536 ye una estrella xigante naranxa de tipu espectral K0III —K2III según otres fontes— con una temperatura superficial de 4380 K. El valor del so radiu, llográu pola midida directa del so diámetru angular, ye 23,6 vegaes más grande qu'el del radiu solar, y tien una lluminosidá 174 vegaes mayor que la del Sol. Envalórase que la so masa ye daqué mayor que la masa solar.

D'especial interés ye la baxa metalicidá de HD 47536, namái un 20% de la del Sol, a diferencia de la mayor parte de les estrelles con exoplanetas que se caractericen pola so elevada metalicidá. Paez ser una estrella bien antigua, con una edá de 9300 ± 1880 millones d'años.

Sistema planetariu[editar | editar la fonte]

El primera planeta, HD 47536 b, tien una masa mínimo 5 vegaes mayor que la masa de Xúpiter y completa una órbita cada 430 díes. El segundu planeta, HD 47536 c, alcuéntrase a una distancia media de 3,72 UA de la estrella, tien una masa 7 vegaes mayor que la de Xúpiter y completa una órbita cada 2500 díes.

Acompañante
(N'orde dende la estrella)
Masa
(MJ)
Períodu orbital
(días)
Semiexe mayor
(UA)
Excentricidá
HD 47536 b > 5 430 1,61 0,2 ± 0,08
HD 47536 c > 7 2500 3,72 ?

Ver tamién[editar | editar la fonte]

Referencies[editar | editar la fonte]