HD 42088

De Wikipedia
Saltar a navegación Saltar a la gueta
HD 42088
HD 42088
Constelación Orión
Ascensión reuta α 06h 09min 39,58s
Declinación δ +20º 29’ 15,4’’
Distancia 995 años lluz
Magnitú visual +7,56
Magnitú absoluta ?
Lluminosidá 8200 soles
Temperatura 39.500 K
Masa 15 - 32 soles
Radiu 10 soles
Tipu espectral O6.5V
Velocidá radial +23,4 km/s

HD 42088 (HIP 29216 / SAO 78049) ye una estrella na constelación d'Orión de magnitú aparente +7,56.[1] Visualmente alcuéntrase a pocu menos de 1,5º al este de χ2 Orionis. El nuevu amenorgamientu de datos de paralax del satélite Hipparcos asitia a esta estrella a una distancia próxima a los 1000 años lluz.[2]

HD 42088 ye una estrella azul de la secuencia principal de tipu espectral O6.5V.[1] Les estrelles de tipu O son bien escases en nuesa galaxa; en Orión pueden atopase dos exemplos, Mintaka (δ Orionis) y Alnitak (ζ Orionis) y, fora d'esta constelación, cabe solliñar a Naos (ζ Puppis). Son estrelles bien calientes y masives. La temperatura efectivo de HD 42088 algama los 39.500 K y la so lluminosidá ye 8200 vegaes mayor que la lluminosidá solar.[3] Tien un radiu 10 vegaes más grande qu'el radiu solar y xira sobre sigo mesma con una velocidá de rotación igual o superior a 60 km/s.

Dende la superficie de HD 42088 sopla un vientu estelar que fai que pierda masa a razón de 6,4 × 10-7 vegaes la masa solar per añu.[4] La so masa nun ye bien conocida, envalorándose ente 15 y 32 mases solares,[3][4] pero, seya que non, va acabar los sos díes españando como una brillosa supernova. Tocantes a la edá de HD 42088, piénsase que ta na llamada «edá cero de la secuencia principal» (ZAMS).[4]

Referencies[editar | editar la fonte]