HD 188015

De Wikipedia
Saltar a navegación Saltar a la gueta
HD 188015
HD 188015
Constelación Vulpecula
Ascensión reuta α 19h 52min 04,54s
Declinación δ +28º 06’ 01,4’’
Distancia 172 años lluz
Magnitú visual +8,24
Magnitú absoluta +4,63
Lluminosidá 1,17 soles
Temperatura 5684 ± 31 K
Masa 1,02 soles
Radiu 1,07 soles
Tipu espectral G5IV
Velocidá radial +2,6 km/s

HD 188015 (HIP 97769 / BD+27 3539)[1] ye una estrella na constelación de Vulpecula. De magnitú aparente +8,24, nun ye visible a simple vista. Alcuéntrase a 172 años lluz de distancia del Sistema Solar. En 2005 anuncióse'l descubrimientu d'un planeta estrasolar orbitando alredor d'esta estrella.[2]

HD 188015 ye una subxigante mariella de tipu espectral G5IV, una estrella asemeyada al Sol pero que terminó la fusión de hidróxenu nel so nucleu. Tien una temperatura superficial de 5684 ± 31 K y ye llixeramente más lluminosa que'l Sol. El so radiu ye un 7% más grande qu'el radiu solar[3] y la midida de la so velocidá de rotación proyeutada ye de 0,5 km/s.[4]Presenta una bayura en metales aprosimao doble que la solar ([M/H] = +0,28), siendo especialmente alzada la so bayura relativa de sodiu, 2,6 vegaes más alta que na nuesa estrella.[5] Con una masa apenes un 2% mayor que la masa solar, ye una estrella antigua. La so edá envalorada ye de 6600 millones d'años,[4] frente a los 4600 millones d'años d'edá que tien el Sol.

Sistema planetariu[editar | editar la fonte]

HD 188015 b, al igual que la mayor parte de los planetes estrasolares, foi afayáu pol métodu de velocidaes radiales. La so masa mínimo ye 1,5 vegaes la masa de Xúpiter. Xira nuna órbita llixeramente escéntrica a una distancia de la estrella un 20% mayor que la que dixebra la Tierra del Sol, na llamada «zona de habitabilidad». Magar nun paez que pueda esistir vida nel planeta —presumiblemente un xigante gaseosu—, sí podría floriar n'hipotéticos satélites que orbitasen alredor.[2][6]

Acompañante
(N'orde dende la estrella)
Masa
(MJ)
Periodu orbital
(díes)
Semiexe mayor
(UA)
Escentricidá
HD 188015 b >1,50 ± 0,13 461,2 ± 1,7 1,203 ± 0,070 0,137 ± 0,026

Ver tamién[editar | editar la fonte]

Referencies[editar | editar la fonte]