HD 168746

De Wikipedia
Saltar a navegación Saltar a la gueta
HD 168746
HD 168746
Constelación Serpens
Ascensión reuta α 18h 21min 49,78s
Declinación δ -11º 55’ 21,7’’
Distancia 140,6 ± 6 años lluz
Magnitú visual +7,95
Magnitú absoluta +4,78
Lluminosidá 1,1 soles
Temperatura 5495 K
Masa 0,92 soles
Radiu 1,12 soles
Tipu espectral G5V
Velocidá radial -25,6 km/s

HD 168746 (HIP 90004 / SAO 161386 / BD-11 4606)[1] ye una estrella na constelación de Serpens de magnitú aparente +7,95, asitiada na llende de Serpens Cauda (la cola de la culiebra) con Scutum. Al ser tan tenue nun ye visible a simple vista, pero sí con binoculares o con pequeños telescopios. En 2002 anuncióse'l descubrimientu d'un planeta estrasolar n'órbita alredor d'esta estrella.[2]

HD 168746 ye una nana mariella de tipu espectral G5V con una temperatura superficial de 5495 K. Ye una estrella análoga al Sol que la so lluminosidá ye un 10% mayor que la lluminosidá solar y que la so masa envalorada equival al 92% de la masa solar. Tien una metalicidá daqué menor que la del Sol, siendo'l so índiz de metalicidá [Fe/H] = -0,07.[3] Nun hai evidencia d'actividá cromosférica y piénsase que la edá de la estrella puede ser de 3750 millones d'años d'años.[4] Alcuéntrase a 141 años lluz del Sistema Solar.

Sistema planetariu[editar | editar la fonte]

Alredor de HD 168746 afayóse un planeta estrasolar, denomináu HD 168746 b, con una masa mínimo de 0,23 vegaes la masa de Xúpiter, o lo que ye lo mesmo, 0,77 vegaes la masa de Saturnu, lo que-y asitia como unu de los planetes más pequeños descubiertos. Asitiáu mui cerca de la estrella —apenes a 0,065 UA— completa una órbita cada 6,4 díes. La temperatura superficial d'equilibriu del planeta a esta distancia ye de 900 K.[2]

Acompañante
(N'orde dende la estrella)
Masa
(MJ)
Periodu orbital
(díes)
Semiexe mayor
(UA)
Escentricidá
HD 168746 b > 0,23 6,403 ± 0,001 0,065 0,081 ± 0,029

Ver tamién[editar | editar la fonte]

Referencies[editar | editar la fonte]