Ḥoquei

De Wikipedia
(Redirixío dende H.oquei)
Pelota y palu de ḥoquei.

El ḥoquei (del inglés hockey) ye una familia de deportes na que dos equipos compiten pa llevar una pelota dura o un discu de cauchu a la portería contraria p'anotar un tantu cola aída d'un palu llargu que se llama Stick. Prautícase con carauterístiques estremaes, según el campu nel que se xuegue, polo que se destremen;

El ḥoquei sobre xelu ye un deporte que fai parte de los Xuegos Olímpicos d'Iviernu y el ḥoquei en prau ye uno de los deportes de les Olimpiaes de Branu. El ḥoquei sobre patinos fuera deporte d'exhibición nos Xuegos Olímpicos de Barcelona 1992. Xuéguense en pistes especiales acondaes pa dichos enfrentamientos.

Referencies históriques[editar | editar la fonte]

Esti tipu de xuegos, con asemeyances col ḥoquei en prau, prauticábense dende enantes de la dómina cristiana n'Exiptu, Persia, Arabia y Grecia.

Asemeyaos al ḥoquei d'anguaño son el paganica de los romanos, el cheuca de los indios araucanos d'Arxentina, y el hurling y shinty.

Per 1861 creóse'l primer clube de ḥoquei nomáu Blackheath Football and Hockey Club, en Londres.

Hai historiadores que cuiden qu'esti deporte, coles carauterístiques que presenta anguaño, remanez de fines de la década de 1880. Sicasí, dos décades enantes yá se crearan instituciones rectores, anque foron mocicándose les sos regles posteriores.

Referencies[editar | editar la fonte]

Enllaces esternos[editar | editar la fonte]