Gustav Stresemann
Premiu Nobel de la Paz 
|
Gustav Stresemann (10 de mayu de 1878, Berlín - 3 d'ochobre de 1929, Berlín) foi un políticu alemán nomáu en 1923 canciller y ministru d'Asuntos Esteriores, cargo esti postreru que caltuvo hasta la so muerte.
Fundador y dirixente del Partíu Popular Alemán (DVP), foi una figura ineludible de la República de Weimar, periodu nel que per aciu la puesta en práutica d'una política pragmática de compromisos llogró qu'Alemaña repunxera parte del pesu diplomáticu y económicu perdíu tres la Primer Guerra Mundial: la so estratexa básase en consiguir meyores nestos terrenes en cuenta de cada concesión alemana. En controlando la hiperinflación qu'amenaciaba la existencia mesma d'Alemaña, Stresemann encaró otros problemes como la ocupación del Ruhr polos exércitos francés y belga, los arreglos de guerra o la cuestión fronteriza llatente dende'l Tratáu de Versalles.
La índole pragmática de la so política procuró-y munchos enemigos y acabó siendo abandonáu por una gran parte de la clase política cola que tuvo que lluchar. Xuntu a Aristide Briand foi l'artífiz del acercamientu francu-alemán y d'otros numberosos alcuerdos diplomáticos que pretendíen estabilizar la situación na Europa de la posguerra, lo que-yos valió a dambos la concesión del Premiu Nobel de la Paz en 1926. Sicasí, esti acercamientu acabóse cola muerte de Stresemann, que supunxo pa la República de Weimar la perda d'ún de los sos postreros defensores.
| Control d'autoridaes |
|
|---|
Datos: Q103955
Multimedia: Gustav Stresemann
