Guerres sicilianes

Guerres sicilianes
Fecha	580 edC → 265 edC
Llugar	Sicilia
	[editar datos en Wikidata]

Les Guerres Sicilianes, tamién conocíes como guerres greco-púniques, fueron una serie de conflictos bélicos ente la ciudá de Cartago y distintes polis griegues lideraes por Siracusa, pola dominación de Sicilia y el control del Mediterraneu occidental, ente los sieglos VI e.C. y III e.C., concretamente ente l'añu 580 e.C. y 265 e.C.^[1].

Cartago, una potencia económica basada nel comerciu marítimu, desarrolló una de les marines más poderoses del so tiempu, heredando y afitando la tradición naval de los sos ancestros fenicios. Esta capacidá naval, sumada a la so influyencia creciente, provocó enfrentamientos directos colos griegos, qu'amás teníen colonies prósperes nel Mediterraneu y yeren espertos na navegación. La islla de Sicilia, pola so posición estratéxica y la riqueza de los sos recursos, foi escenariu de confrontaciones constantes ente colonos griegos y fenicios dende époques bien tempranes^[2].

Anguaño nun se caltienen rexistros cartaxineses directos sobre estes guerres, pues tres la destrucción de Cartago pol Imperiu Romanu nel 146 e.C., la biblioteca cartaxinesa foi esperdigada y la so documentación perdióse. Poro, gran parte de la información que se conoz sobre les guerres sicilianes vien de fontes griegues, como los escritos de Diodoru Sículu.^[3].

Referencies

↑ «Sicilian Wars». World History Encyclopedia.
↑ «/article/639/greek-colonization-of-the-mediterranean/ Greek Colonization of the Mediterranean». World History Encyclopedia.
↑ «Diodorus Siculus, Bibliotheca Historica». Perseus Digital Library.

Enllaces esternos

[1] «Sicilian Wars». World History Encyclopedia.

[2] «/article/639/greek-colonization-of-the-mediterranean/ Greek Colonization of the Mediterranean». World History Encyclopedia.

[3] «Diodorus Siculus, Bibliotheca Historica». Perseus Digital Library.

[1]

[2]

[3]