Guerreros de terracota

De Wikipedia
Saltar a navegación Saltar a la gueta
Mausoléu de Qin Shi Huang
Patrimoniu de la HumanidáUNESCO
Terracotta Army, View of Pit 1.jpg
Vista xeneral de la Sala 1.
Llugar Flag of the People's Republic of China.svg China
Criterios Cultural: i, iii, iv, vi
Referencia 441
Inscripción 1987 (11 ° Sesión)
Área Asia y Oceanía
Cambiar los datos en Wikidata

Los Guerreros de terracota son un conxuntu de más de 8000 figures de guerreros y caballos de terracota a tamañu real, que fueron soterraes cerca del autoproclamado primer emperador de China de la Dinastía Qin, Qin Shi Huang, en 210-209 e.C.

Atópense dientro del Mausoléu de Qin Shi Huang. Fueron afayaos mientres unes obres pa un suministru d'agua, en marzu de 1974 cerca de Xi'an (provincia de Shaanxi, República Popular China). Dende l'añu 1987 tán consideraos como Patrimoniu de la Humanidá pola Unesco.

Soterrando estes estatues creíase que l'emperador siguiría teniendo tropes sol so mandu. L'exércitu de terracota foi soterráu en formación de batalla en trés fosos, un kilómetru y mediu al este de la tumba del emperador, que de la mesma falta 33 km al este de Xi'an. Los trés fosos tienen ente 4 y 8 metros de fondura. Fueron escavaos y construyóse un hangar nes ruines, llamáu Muséu del Exércitu de Guerreros.

El primera foso foi afayáu en 1974 de forma casual. Nesa zona atopárense yá dellos restos, a los que nun se-yos dio demasiada importancia, hasta que la noticia del afayu del nuevu foso llegó a oyíos d'un arqueólogu qu'empecipió la escavación.

El foso tien una superficie de 200 metros por 50 y contién más de 7500 guerreros, dalgunos d'ellos entá por desenterrar. Les figures son a tamañu natural: miden 1,80 metros d'altor y tán forníos con armadures fabricaes tamién con terracota. La fuesa abrir al públicu en 1979.

Caúna d'estes figures tien traces y carauterístiques distintes: bigotes, peñaos, nuevos, vieyos, traces d'etnies distintes. Les cabeces y les manos moldiábense aparte y depués añedíense a los cuerpos. Los uniformes reflexen tamién los rangos militares a los que pertenecen. Cada soldáu llevaba una arma: arcos, llances, espaes, etc. Tres la cayida de la dinastía Qin, el llabradores escalaron la tumba y robaron estes armes. Les figures son de colores vivos y brillantes, pero esti color piérdese apenes a los cinco hores d'esposición al aire, por cuenta de la oxidación. Ta buscándose una técnica que dexe caltener el colores orixinales; enagora, retardóse la escavación de nuevos guerreros.

La segunda fuesa abierta al públicu contién 69 figures y ye conocida como “la fuesa de los xenerales”. Créese que representa al Estáu Mayor del exércitu. Tamién son visibles les figures de cuatro caballos. La última fuesa contién unos 1000 guerreros, munchos d'ellos ensin restaurar.

En 1980, afayáronse dos carros de bronce pintáu. Cada unu d'estos carros ta formáu por más de 3000 pieces. Los cuatro caballos de cada carru tán empuestos por un conductor imperial. Según dellos estudios, el primeru d'estos carros sirviría pa allanar el camín del séquitu del emperador, ente que'l segundu sería'l carru nel que'l monarca dormía. Los carros, a la metá averada del tamañu real, teníen incrustaciones de plata y oru.

En 2009, afayáronse más guerreros ensin barba, lo qu'amuesen que yeren nueves. Envalórase que d'unos 17 años, lo qu'indica qu'entós daquella tamién se reclutaban menores nel exércitu. O de xuru estos mozos de 17 años yeren ingresaos nel entrenamientu por ser fíos de xenerales y por que llegaren a graos militares, nun ingresaben nel exércitu hasta llegar a cumplir los 18 años d'edá.[1]

En 2010 el descubridores y escavadores oficiales -l'arqueóloga Xu Weihong y el so equipu, puramente- recibieron el premiu Príncipe d'Asturies de Ciencies Sociales.[2]

Panorámica de los soldaos de terracota
Panorámica de los soldaos de terracota

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]

Wikinoticias








Guerreros de terracota