En sentíu horariu, entamando pela esquina superior izquierda. Batería de cañones italianos 149/23; Mustafa Kemal con un oficial otomanu y mujahidin líbios; Tropes italianes desembarcando'n Trípoli; Aeronave italiana Blériot; Cañonera otomana Bafra fundida n'Al Qunfudhah; Prisioneros otomanos en Rodes.
Demientres la guerra l'exércitu italianu tamién ocupó les islles del Dodecanesu, nel mar Exéu. Italia aceutó devolveles al Imperiu otomanu poles cláusules del tratáu d'Ouchy de 1912. Por embargu, la vageudá del testu, combinada cola posterior marcha de los acontecimientos (españíu de la Primer Guerra de los Balcanes y de la Primer Guerra Mundial), permitió que siguieran siendo alministraes por Italia. Finalmente, Turquía renunciará a tolos sos derechos sobre les islles nel artículu 15 del tratáu de Lausana (1923)[4].
Dirixibles italianos bombardeando posiciones turcas en territoriu libiu.
La guerra ye considerada un precursor de la Primer Guerra Mundial. Los miembros de la Lliga balcánica, decatándose de lo fácil que fora pa los italianos derrotar a los otomanos[5] y motivaos pol incipiente nacionalismu balcánicu, atacaron al Imperiu otomanu n'ochobre de 1912, faciendo españar la Primer Guerra de los Balcanes pocos díes primeru del fin de la guerra italo-turca[6].
Nesta guerra introduciéronse dellos avances militares; rescampla ente ellos l'usu d'aeroplanos en combate. El 23 d'ochobre de 1911 un pilotu italianu, el capitán Carlo Piazza, sobrevoló les llínies turques na que foi la primer misión de reconocimientu aéreu de la historia[7], y el 1 de payares d'esi añu'l soteniente Giulio Gavotti llanzó por primer vez na historia bombes, dende un avión Etrich Taube, sobre tropes turques. Los turcos, pela so banda, foron los primeros n'abatir un avión con disparos de rifle[8]. Otru avance destacáu foi l'establecimientu d'estaciones telegráfiques ensin cables dende bien ceo. Guglielmo Marconi, inventor de la telegrafía ensin cables, tuvo en Libia realizando esperimentos cola collaboración del Cuerpu d'Inxenieros del exércitu italianu.
Na guerra participaron oficiales que seríen lluéu figures polítiques importantes nos sos países, como Pietro Badoglio, que sedría primer ministru d'Italia, o Mustafa Kemal Atatürk, primer presidente de la moderna República de Turquía.
.svg){kind=small}
.svg){kind=small}
.svg){kind=small}
Wikimedia Commons acueye conteníu multimedia sobre Guerra ítalo-turca.
Datos: Q203824