Grupu de galaxes Maffei 1

El Grupu Maffei 1 (tamién conocíu como'l Grupu IC 342) ye l'agrupación galáutica más averada al Grupu Llocal; seique nun aniciu fuera parte d'esti, pero foi espulsada nun violentu alcuentru cola Galaxa d'Andrómeda. El so componente dominante ye la galaxa espiral IC 342, nomada depués de la xixante galaxa elíptica Maffei 1, que xunto con Maffei 2, foi descubierta con platos infrarroxos en 1968 pol astrónomu italianu Paolo Maffei. Entrambes galaxes atópense cerca del ecuador galáuticu en Cassiopea na zona d'evitación y tán, poro, mui escurecíes pol polvu y el gas nes llonxitúes d'onda visibles. Maffei 2 ye una galaxa espiral barrada allugada a unos 16 millones d'años lluz de distancia, mentes que la distancia de Maffei 1 establecióse nunos 10 millones d'años lluz. Otres galaxes conocíes nel grupo son Dwingeloo 1 y la so galaxa satélite Dwingeloo 2, y dalgunos sistemes más pequeños, amestando dos posibles satélites de Maffei 1 (MB1 y MB2).

La observación del Grupu Maffei 1 nel futuru

El sol orbita al rodiu de la nuesa galaxa cada 225 millones d'años. Dientro de unos 112 millones d'años taremos nel otru llau la galaxa. Pa entós, les más de laes galaxes que podemos ver güei van atopase na zona d'evitación. La Galaxa d'Andrómeda, la Galaxa del Triángulu y otres munches van tar fuera de la nuesa visión, pero en cuenta d'elles va haber una riestra galaxes esperando a ser descubiertes. El Grupu Maffei va vese meyor nesi entós, y seique les que meyor se vean seyan Maffei 1, Maffei 2, Dwingeloo 1 y Dwingeloo 2.

Componentes

**Componentes del grupu Maffei 1**
Nome	Triba	Distancia dende'l Sol^[1] (millones d'años lluz)	Magnitú	Componente	Comentarios
IC 342	SBcd	10.7	+10.5	Sí
Maffei 1	E5	9.82	+17	Sí
Maffei 2	SBc	9.1	+16	Sí
Dwingeloo 1	SBbc	9.1		Sí	PGC 100170, Cassiopeia 2
Dwingeloo 2	dIAm	~10	+20.5	Sí	PGC 101304
NGC 1560	SAd	11.3	+12.1	Seique	Posible componente del Grupu Llocal
NGC 1569	dIBm		+11.8	Seique	Posible componente del Grupu Llocal
UGCA 92	dIAm		+16.15	Seique	Posible componente del Grupu Llocal
Camelopardalis A	dSph	12.8		Seique
Camelopardalis B	IAm	10.9		Seique	KK 44
Camelopardalis D	IAm			Seique	KKH 34
Cassiopeia 1		~11		Seique	KK 19
Cassiopeia 3				Seique	KKH 5
KK 35		10.3		Seique
MB1	SAd?	~10		Seique	KK 21
MB2				Seique
MB3	dSph	~10		Seique	KK 22
Perseus 1	E		+12.48	Seique	KKH 11
Perseus 2	IAm			Seique	KKH 12
UGCA 86	dIAm	10.2	+14.2	Seique	Posible componente del Grupu Llocal
UGCA 105	dIAm	10.3	+15.3	Seique
KKH 6				Seique
UGC 2773				Seique	KK 28
Mailyan 16				Seique	KKH 37

Referencies

↑ Karachentsev, I. D. (2005). "The Local Group and Other Neighboring Galaxy Groups". The Astronomical Journal 129: 178. arXiv (n'inglés)

Enllaces esternos

SEDS: El grupu Maffei 1 (n'inglés)

Coordenaes: 3^h 48^m 42^s, 68^° 0^′ 47.88^″

[1] Karachentsev, I. D. (2005). "The Local Group and Other Neighboring Galaxy Groups". The Astronomical Journal 129: 178. arXiv (n'inglés)

[1]