Groombridge 34

De Wikipedia
Saltar a navegación Saltar a la gueta
Groombridge 34
Groombridge 34 A/B
Constelación Andrómeda
Ascensión reuta α 00h 18min 22,9/25,2s
Declinación δ +44º 01’ 22/26’’
Distancia 11,62 ± 0,04 años lluz
Magnitú visual +8,09 / +11,06
Magnitú absoluta +10,33 / +13,30
Lluminosidá 0,0064 / 0,00042 soles
Masa 0,49 / 0,16 soles
Radiu 0,34 / 0,19 soles
Tipu espectral M1.5Vne / M3.5Vne
Velocidá radial +14 / +20 km/s

Groombridge 34 o Gliese 15 (GJ 15 AB / HD 1326 AB) ye un sistema estelar na constelación d'Andrómeda asitiáu al noroeste de la Galaxa d'Andrómeda (M31), a 11,6 años lluz de distancia del Sistema Solar. Incluyóse nel Catálogu d'Estrelles Circumpolares» de Stephen Groombridge publicáu en 1838, pero'l so gran movimientu propiu nun foi descubiertu y midíu hasta 1860.

Groombridge 34 ye una estrella binaria formada por dos nanes coloraes con una separación media ente elles de 147 UA. Muévese nuna órbita circular con un periodu orbital d'aprosimao 2600 años. Dambes son estrelles acandilantes, polo que Groombrige 34 A recibe la denominación de GX Andromedae y Groombridge 34 B la de GQ Andromedae.

Groombridge 34 A (Gliese 15 A / HD 1326 A / LHS 3), de magnitú aparente +8,09, ye una estrella de tipu espectral M1.5Vne con una masa de 0,49 mases solares y un radiu de 0,34 radios solares. La so lluminosidá equival a un 0,64% de la lluminosidá solar. Groombridge 34 B (Gliese 15 B / HD 1326 B / LHS 4) ye más pequeña y tenue: la so masa ye de 0,16 mases solares y el so radiu de 0,19 radios solares, siendo 15 vegaes menos lluminosa que la so compañera. Les estrelles que s'atopen más próximes a esti sistema son Ross 248, a namái 1,8 años lluz, el sistema estelar Kruger 60 a 4,9 años lluz, y EV Lacertae a 6,2 años lluz.

Ver tamién[editar | editar la fonte]

Referencies[editar | editar la fonte]