Greg Louganis

De Wikipedia
Saltar a: navegación, buscar
Greg Louganis
Greglouganis.jpg
Datos personales
Nome completu Gregory Efthimios Louganis
Nacimientu El Caxón, California29 de xineru de 1960
País Bandera de Estaos Xuníos d'América Estaos Xuníos
[editar datos en Wikidata]

Gregory Efthimios Louganis (El Caxón, California, 29 de xineru de 1960) ye un exsaltador estaunidense. Ganó dos medayes d'oru nos Xuegos Olímpicos de Los Ánxeles 1984, otros dos medayes d'oru en Seúl 1988 y una de plata en Montreal 1976,[1]amás de cinco campeonato mundiales.[2]

Biografía[editar | editar la fonte]

La so familia biolóxica yera de Samoa y de Suecia, pero creció en California colos sos padres adoptivos, una pareya d'ascendencia griega. A los 16 años, tomó parte nos Xuegos Olímpicos de Montreal 1976, onde ganó la medaya de plata tres l'italianu Klaus Dibiasi. Dos años dempués, con Dibiasi retiráu, Louganis ganó'l so primer títulu mundial nel campeonatu celebráu en Berlín Occidental.

En 1978, aceptó saltar pa la Universidá de Miami onde estudió teatru, pero en 1981 pasó a la Universidá de California en Irvine, onde se graduó con un Bachelor of Arts.

Louganis ganó dos medayes d'oru nos VIII Xuegos Panamericanos celebraos en Puertu Ricu, en 1979. Equí ganólu al so gran rival, el mexicanu Carlos Girón. Esta gran xesta foi captada na película oficial de los Xuegos.

Louganis yera favoritu pa ganar l'oru nos Xuegos Olímpicos de Moscú 1980, pero'l boicó de los Estaos Xuníos, dictáu pol presidente Jimmy Carter en protesta pola invasión soviética d'Afganistán, torgó-y participar.

Ganó dos títulos mundiales en Guayaquil 1982 y dos medayes d'oru nos Xuegos Olímpicos de Los Ánxeles 1984.

En ganando otros dos títulos mundiales en Madrid 1986, ganó dos oros nos Xuegos Olímpicos de Seúl 1988, repitiendo la so fazaña de 1984. Sicasí, nesta edición de los JJ. OO. sufre un accidente al saltar del trampolín de 3 metros, lo cual provocó-y una hemorraxa al cutise la cabeza contra'l trampolín.

En 1993 ingresó nel International Swimming Hall of Fame, el Salón de la Fama Internacional de los deportes acuáticos.[2] Ta consideráu'l meyor saltador olímpicu de tolos tiempos.

Dempués de saltar[editar | editar la fonte]

En 1994, Louganis anunció ser gai. En 1995 foi publicada la so autobiografía, escrita con Eric Marcus y titulada Breaking the Surface. Louganis reveló sufrir abusos d'una pareya y ser VIH positivu. La noticia causó discutiniu porque dalgunos recordaron el golpe que lu provocó perdida de sangre en Seúl 1988, mientres saltaba. De toes formes aquel fechu nun yera motivu d'infección a los demás saltadores. Tres el so anunciu de ser portador del VIH, perdió la mayoría de patrocinadores, cola esceición de Speedo.

En 1997 realizóse una película pa televisión sobre la so biografía, "Rompiendo la superficie", protagonizada pol actor Mario Lopez como Louganis y empobinada por Steven H. Stern.

En 1999, publicóse'l segundu llibru de Louganis, For the Life of Your Dog (escritu con Betsy Sikora Siino).

Desque se retiró actuó en delles producciones de teatru.

Referencies[editar | editar la fonte]

Enllaces esternos[editar | editar la fonte]











Greg Louganis