Grímsey

Grímsey
Situación
País insular	Islandia
Rexones	Norðurland Eystra
Conceyu	Akureyrarkaupstaður
Tipu	asentamientu humanu
Asitiáu en	Mar de Groenlandia
Coordenaes	66°32′47″N 18°00′18″W / 66.54648°N 18.004951°O
	Grímsey Grímsey (Islandia)
Datos
Altitú media	105 m
Superficie	5,3 km²
Población	61 (1r xineru 2018)
Fusu horariu	UTC±00:00
Llonxitú	4,8 km
	Web oficial

Grímsey ye una islla a 40 kms al norte d'Islandia, asitiada nel norte de la rexón Norðurland Eystra. Ta Trevesada pol círculu polar árticu y el so puntu más eleváu alcuéntrase a 105 m.s.n.m.

Territoriu

El círculu polar árticu treviesa la islla. La tierra remanecida más cercana ye la islla de Flatey, 39,4 kilómetros al sur. Grímsey ye un conceyu (hreppur) y el so nome alministrativu ye Grímseyjarhreppur. Pertenez al condáu de Eyjafjarðarsýsla.

La so superficie ye de 5.3 kilómetros cuadraos y ye la cuarta m.s.n.m. más grande del país. Ye el puntu habitáu más septentrional d'Islandia, con una decreciente población de 86 habitantes (xineru de 2011). Islandia tien dellos puntos más septentrionales, como la islla de Kolbeinsey, un llugar inhabitable pol so amenorgáu tamañu que sigue güei menguando por causa de la erosión. La so principal industria ye la pesca. La so máxima elevación ye de 105 m.s.n.m.^[1]

Na islla desenvuélvese parte de la trama de la novela Temps glaciaires («Tiempos de xelu», na so traducción de la edición n'español) de la francesa Fred Vargas, premio Princesa d'Asturies de les Lletres na edición de 2018. Tantu impresionó al comisariu Adamsberg que, una vegada resueltu el casu, coyó un vuelu dende París para esfrutar ellí de trés selmanes de vacaciones.

Infraestructura

Grímsey ta conectada col restu d'Islandia gracies a un tresbordador que va a Dalvík y dispon d'un pequenu aeropuertu (códigu IATA GRY), del que parten vuelos regulares escontra l'aeropuertu de Akureyri. La islla cunta con una tienda, una escuela xeneral básica, una biblioteca, una piscina pública, una oficina de corréu, una ilesia, un terrén de camping y dos pequeños hoteles.^[2]^[3]

Galería

Monumentu del círculu polar árticu.
Vista general de la islla.
Puertu de la islla.
Calle principal.

Atracciones turístiques

L'atracción turística más conocida ye el monumentu del círculu polar árticu que treviesa la islla. La ilesia onde se celebra la misa cuatro vegaes al añu alcuéntrase nel sur de la comunidá n'una rexón que se llama Miðgarður. Ye una ilesia protestante que foi construyida en 1867 de madera refundiada a la mariña y anovada en 1956. La nave mide 7,69 metros de llargor y 4.77 metros d'anchor. El coru y la torre fueron añedíos en 1932.

Referencies

Ver tamién

Anexu :Islles d'Islandia

Enllaces esternos

Grímsey island.

[1] Visit the north Iceland, (n'inglés)

[2] Grímsey island, (n'inglés)

[3] Birds of Grímsey

[1]

[2]

[3]