Grândola, Vila Morena

Grândola, Vila Morena
Datos
Tipu	cantar
Intérprete	José Afonso (es)
Idioma	portugués
Xéneru	música folk
Lletrista	José Afonso (es)
Compositor	José Afonso (es)
Fecha publicación	1964

Mural alusivu en Grândola

"Grândola, Vila Morena" ye'l cantar compuestu y cantáu por Zeca Afonso que foi escoyíu pol Movimento das Forças Armadas (MFA) pa ser la segunda señal pa entamar la llamada Revolución de los claveles. El cantar refierse a la fraternidá ente les persones de Grândola, nel Alentejo, y fuera prohibida pol réxime salazarista como una música asociada al Comunismu. A les cero hores y venti minutos del 25 d'abril de 1974, el cantar foi tresmitíu na Rádio Renascença, la emisora católica portuguesa, como señal pa confirmar les operaciones de la revolución. Por esi motivu, a ella quedó asociada.

Historia

El cantar incluyóse nel álbum Cantigas do Maio, grabáu n'avientu de 1971, discu que cuenta colos arreglos y direción musical de José Mário Branco. "Grândola, Vila Morena" ye'l quintu tema del álbum, grabáu n'Herouville, Francia ente'l 11 d'ochobre y el 4 de payares de 1971.

Zeca Afonso estrenó'l cantar en Santiago de Compostela'l 10 de mayu de 1972.

El día 29 de marzu de 1974, Grândola, Vila Morena foi cantada na clausura d'un espectáculu nel Coliséu de Lisboa. Ente los asistentes taben militares del MFA, qu'escoyeríen el cantar como una de les señales pal entamu de la Revolución de los claveles. Curiosamente, pa esi espectáculu la censura del réxime facista prohibiera la interpretación de delles canciones de Zeca, ente elles: "Venham Mais Cinco", "Menina dos Olhos Tristes", "A Morte Saiu à Rua" y "Gastão Era Perfeito".

A la media nueche y venti minutos del día 25 d'abril de 1974, "Grândola, Vila Morena" foi tocada nel programa Limite de la Rádio Renascença. Yera la segunda señal que confirmaba la buena marcha de les operaciones de les fuercies organizaes pol MFA. La primer señal, sonara cerca d'hora y media anantes, a les 22 hores y 55 minutos del día 24 d'abril, foi "E depois do adeus", cantada por Paulo de Carvalho.

Lletra

¡Atención! Esti artículu o seición ye sospechosu de nun respetar los derechos d'autor, si nun se cambia dafechu, va desaniciase ceo.

• El sitiu del que pudo tenese copiao ye: {{{1}}}

Grândola, vila morena Terra da fraternidade O povo é quem mais ordena Dentro de ti, ó cidade Dentro de ti, ó cidade O povo é quem mais ordena Terra da fraternidade Grândola, vila morena Em cada esquina um amigo Em cada rosto igualdade Grândola, vila morena Terra da fraternidade Terra da fraternidade Grândola, vila morena Em cada rosto igualdade O povo é quem mais ordena À sombra duma azinheira Que já não sabia a idade Jurei ter por companheira Grândola a tua vontade Grândola a tua vontade Jurei ter por companheira À sombra duma azinheira Que já não sabia a idade

Grândola, villa prieta Tierra de la fraternidá El pueblu ye'l que más ordena Dientro de ti, oh ciudá Dientro de ti, oh ciudá El pueblu ye'l que más ordena Tierra de la fraternidá Grândola, villa prieta En cada esquina, un amigu En cada rostru, igualdá Grândola, villa prieta Tierra de la fraternidá Tierra de la fraternidá Grândola, villa prieta En cada rostru, igualdá El pueblu ye'l que más ordena A la solombra d'una encina de la que nun sabía la edá Xuré tener por compañera Grândola, la to voluntá Grândola, la to voluntá Xuré tener por compañera A la solombra d'una encina de la que nun sabía la edá

Enllaces esternos

• Cámara Municipal de Grândola: Lletra del cantar

• Datos: Q1551276