Goico Aguirre

De Wikipedia
Saltar a navegación Saltar a la gueta
Goico Aguirre
Vida
Nacimientu Uviéu9  de xineru de 1906
Nacionalidá Bandera d'España España
Fallecimientu

27  de xunetu de 1987

(81 años)
Estudios
Llingües castellanu
Oficiu
Oficiu escultor y pintor
Trabayos destacaos Relieves del Instituto Nacional de Previsión Traducir
Cambiar los datos en Wikidata

Faustino Goicoechea Aguirre (Uviéu, 9 de xineru de 1906 - Madrid, 27 de xunetu de 1987) foi un pintor y escultor asturianu.

Biografía[editar | editar la fonte]

Foi discípulu de Víctor Hevia na Escuela d'Artes y Oficios d'Uviéu. A los dieciséis años gana por concursu-oposición una beca pa la Escuela de Belles Artes de San Fernando. En 1926 concurre con bocetos y escultures a una esposición entamada pol Atenéu Obreru de Xixón; en 1927 algama'l títulu de profesor de dibuxu, y en 1929 la Diputación concéde-y una beca pa dir a estudiar a Roma. Al tornar d'Italia fai la so primera esposición n'Uviéu, en 1930, y depués de la buena impresión que causa marcharía a París, naguando por conocer de cerca les tendencies escultóriques del momentu. Algama ellí un importante éxitu na Galería d'Arte Contemporaneu, y yá con fama reconocida, presenta nel Atenéu d'Uviéu dalguna de les sos obres, que son bien aplaudíes. En 1933 ingresa nel profesoráu de segunda enseñanza, y ye destináu a Ḷḷuarca, pero los numberosos encargos que yá tien por entós oblíguenlu, dos años depués de tomada posesión, a renunciar a la plaza pa dedicase plenamente a la escultura. En Ḷḷuarca casaríase cola so prima Julia Suárez del Otero y Aguirre.

En 1935, nel so estudiu de la calle Santa Clara, n'Uviéu, posó pal pintor uvieín Magín Berenguer. Ye autor de los relieves qu'adornen la fachada de la entós llamada "Caxa de Previsión".

Desencadenada la Guerra Civil Española, Goico vio como se francía, ya casi pa siempre la so carrera de escultor. En Xixón fizo dibuxos y caricatures polítiques p'Avance qu'ellí se publica. Tamién lleva a cabu, nesa dómina, una importante produción como cartelista comprometíu cola causa republicana. El Gobiernu de Madrid nómalu delegáu provincial de Belles Artes, y dende esi puestu -recuerda Juan Antonio Cabezas- tuvo que llevar a Xixón la imaxen de la Virxe de Cuadonga qu'años depués apaecería intacta na embaxada d'España en París. Al cayer el frente d'Asturies foi xuzgáu y condergáu a muerte, pena que-y sería conmutada pola de reclusión, cumpliendo cinco años de prisión. Darréu treslladaríase a vivir a Madrid, onde se dedicaría preferentemente al dibuxu y la ilustración. En 1947, algama un importante éxitu nel Muséu d'Arte Contemporaneu de Madrid con una serie d'acuareles. La ilustración de llibros, les sos aportaciones a "España" de Tánger y otros periódicos, los sos dibuxos pal cine y, sobre too, la cada vez más depurada producción d'acuareles, que, siempre con éxitu, llevó a munches esposiciones, constituyeron, n'adelante, les sos principales formes d'espresión.

Nel añu 1989, na sala Nogal d'Uviéu, celébrase una esposición-homenaxe con una colección de 23 acuareles.