Gobernador xeneral d'Australia

De Wikipedia
Saltar a navegación Saltar a la gueta
Bandera del gobernador xeneral d'Australia

El gobernador xeneral d'Australia ye un puestu establecíu pola Constitución de la Mancomunidá d'Australia pa proclamar lleis, nomar xueces y ministros y realizar otres xeres de gran importancia. En términos del protocolu, la figura ye la más alta d'Australia (dempués de la reina). El gobernador xeneral preside'l Conseyu Executivu d'Australia y ye el comandante en xefe de les fuercies de defensa.

Según el testu lliteral de la Constitución de la Mancomunidá d'Australia un gobernador xeneral nomáu pola reina ten de ser el representante de La so Maxestá na mancomunidá, pa exercer control sobre'l gobierno federal y exercer poder de vetu a lleis propuestes. Estos estensos poderes políticos tán regulaos por una regla non escrita de convención constitucional qu'indica que'l gobernador xeneral primero pide opinión al primer ministru y a otros miembros del Gobiernu. En práuticamente tolos casos, la opinión ye venceyante de manera que, na práutica, ye bien raru que'l gobernador xeneral tome decisiones importantes y nunca decide vetar lleis.

La principal actividá del gobernador xeneral ye la de auspiciar, articular y representar asuntos que tienden a xunir a la nación australiana. Pa ello'l gobernador xeneral viaxa con frecuencia por toa Australia, participa en festividaes y conmemoraciones, inaugura obres, etc.

Na actualidá, ocupa'l cargu Peter Cosgrove, asocediendo d'esta miente a Quentin Bryce.

Gobernadores xenerales d'Australia[editar | editar la fonte]

1. John Adrian Louis Hope, VII conde de Hopetoun ya I marqués de Linlithgow (1860-1908). Del 1 de xineru de 1901 al 9 de xineru de 1903.

2. Hallam Tennyson, II barón Tennyson (1852-1928). Del 9 de xineru de 1903 al 21 de xineru de 1904.

3. Henry Stafford Northcote, I barón Northcote. (1846-1911). Del 21 de xineru de 1904 al 9 de setiembre de 1908.

4. William Humble Ward, II conde de Dudley (1867-1932). Del 9 de setiembre de 1908 al 31 de xunetu de 1911.

5. Thomas Denman, III barón Denman (1874-1954). Del 31 de xunetu de 1911 al 18 de mayu de 1914.

&. Ronald Craufurd Munro Ferguson (1860-1934). Del 18 de mayu de 1914 al 6 d'ochobre de 1920.

7. Henry William Forster, I barón Forster (1866-1936). Del 6 d'ochobre de 1920 al 8 d'ochobre de 1925.

8. John Lawrence Baird, I barón Stonehaven (1874-1941). Del 8 d'ochobre de 1925 al 21 de xineru de 1931.

9. Isaac Alfred Isaacs (1855-1948). Del 21 de xineru de 1931 al 23 de xineru de 1936.

10. Alexander Gore Arkwright Hore-Ruthven, I barón Gowrie (1872-1955). Del 23 de xineru de 1936 al 30 de xineru de 1945.

11. El príncipe Enrique, duque de Gloucester (1900-1974). Del 30 de xineru de 1945 al 11 de marzu de 1947.

12. William John McKell (1891-1985). Del 11 de marzu de 1947 al 8 de mayu de 1953.

13. William Joseph Slim (1891-1970). Del 8 de mayu de 1953 al 2 de febreru de 1960.

14. William Shepherd Morrison, I vizconde Dunrossil (1893-1961). Del 2 de febreru de 1960 al 3 de febreru de 1961.

15. William Philip Sidney, I vizconde De L'Isle (1909-1991). Del 3 d'agostu de 1961 al 7 de mayu de 1965.

16. Richard Gardiner Casey, barón Casey (1890-1976). del 7 de mayu de 1965 al 30 d'abril de 1969.

17. Paul Meernaa Caedwalla Hasluck (1905-1993). Del 30 d'abril de 1969 al 11 de xunetu de 1974.

18. John Robert Kerr (1914-1991). Del 11 de xunetu de 1974 al 8 d'avientu de 1977.

19. Zelman Cowen (1919-2011). Del 8 d'avientu de 1977 al 29 de xunetu de 1982.

20. Ninian Martin Stephen (1923-2017). Del 29 de xunetu de 1982 al 16 de febreru de 1989.

21. William George Hayden (nacíu en 1933). Del 16 de febreru de 1989 al 16 de febreru de 1996.

22. William Patrick Deane (nacíu en 1931). Del 16 de febreru de 1996 al 29 de xunu de 2001.

23. Peter John Hollingworth (nacíu en 1935). Del 29 de xunu de 2001 al 28 de mayu de 2003.

24. Michael Jeffery (nacíu en 1937). Del 28 de mayu de 2003 al 5 de setiembre de 2008.

25. Quentin Bryce (nacida en 1942). Del 5 de setiembre de 2008 al 28 de marzu de 2014.

26. Peter Cosgrove (nacíu en 1947). Dende'l 28 de marzu de 2014.

Enllaces esternos[editar | editar la fonte]


Gobernador general de Australia