Gliese 884

De Wikipedia
Saltar a navegación Saltar a la gueta
Gliese 884
Gliese 884
Constelación Acuariu
Ascensión reuta α 23h 00min 16,12s
Declinación δ -22º 31’ 27,6’’
Distancia 26,6 ± 0,2 años-lluz
Magnitú visual +7,89
Magnitú absoluta +8,34
Lluminosidá 0,089 soles
Temperatura 4130 K
Masa 0,61 soles
Radiu 0,58 soles
Tipu espectral K7Vk
Velocidá radial +16,6 km/s

Gliese 884 (GJ 884 / HD 217357 / LHS 3885 / CD-23 17699)[1] ye una estrella na constelación d'Acuariu de magnitú aparente +7,89, polo que nun ye visible a simple vista. Alcuéntrase narexón suroeste de la constelación, al suroeste de Skat (δ Aquarii), al noroeste de Fomalhaut (α Piscis Austrini) y al este de la nebulosa de la Héliz.

Gliese 884 alcuéntrase a namái 26,6 años lluz del Sistema Solar, siendo una de les estrelles brilloses —entendiendo como tales aquelles que nun son nanes coloraes— más cercanes. Les sos vecines más próximes son el sistema estelar FK Aquarii a 3 años lluz, la brillosa Fomalhaut (α Piscis Austrini) a 3,5 años lluz, y TW Piscis Austrini, una estrella non bien distinta a Gliese 884, a 4,4 años lluz.[2]

Gliese 884 tien tipu espectral K7V,[3] siendo les sos carauterístiques asemeyaes a les de 61 Cygni B —la componente más tenue d'esi sistema— o a les de Gliese 673. Con una temperatura superficial de 4130 K,[4] la so lluminosidá apenes algama'l 9% de la solar. La so masa envalórase en 0,61 mases solares[5] y la so edá cífrase en namái 240 millones d'años (1/19 parte de la edá del Sol). Nun se detectó escesu nel infrarroxu nin a 24 μm nin a 70 μm,[6] lo qu'en principiu refuga la presencia d'un discu de polvu al so alredor.

Ver tamién[editar | editar la fonte]

Referencies[editar | editar la fonte]

Coordenaes: Sky map 23h 0m 16.122s, -22° 31 27.651