Gliese 754

De Wikipedia
Saltar a navegación Saltar a la gueta
Gliese 754
Gliese 754
Constelación Telescopium
Ascensión reuta α 19h 20min 48,2s
Declinación δ -45º 33’ 32,3’’
Distancia 19,4 años lluz
Magnitú visual +12,23
Magnitú absoluta +13,45
Lluminosidá 0,00036 soles
Temperatura ?
Masa 0,16 soles
Radiu 0,24 soles
Tipu espectral M4.5V

Gliese 754 (GJ 754 / LHS 60 / L 347-14)[1] ye una estrella na constelación de Telescopium asitiada cerca de la llende con Saxitariu, visualmente a menos de 1º d'Arkab Posterior2 Sagittarii). Midíes precises de la so paralax (169,03 mas)[2] asitien a Gliese 754 a una distancia de 19,4 años lluz, siendo la más estrella más cercana dientro de la so constelación y una de les 100 estrelles más próximes al Sistema Solar.[3] De magnitú aparente +12,23,[1] nun ye observable a simple vista.

Gliese 754 ye una nana colorada de tipu espectral M4.5V,[1] una estrella que, al igual qu'el Sol, llogra la so enerxía de la fusión nuclear del hidróxenu. Sicasí, la so lluminosidá equival al 0,04% de la lluminosidá solar,[4] consecuencia de la so baxa masa, namái'l 16% de la masa solar.[3] Les sos carauterístiques físiques son bien similares a otres nanes coloraes de la nuesa redolada como Gliese 682, YZ Ceti o TZ Arietis.

La estrella conocida más cercana a Gliese 754, distante 3,76 años lluz, ye Gliese 784. Sígen-y el sistema estelar Gliese 783 y Gliese 682, respeutivamente a 4,78 y 5,77 años lluz.[5]

Ver tamién[editar | editar la fonte]

Referencies[editar | editar la fonte]