Gliese 653

De Wikipedia
Saltar a navegación Saltar a la gueta
Gliese 653
Gliese 653
Constelación Ophiuchus
Ascensión reuta α 17h 05min 03,4s
Declinación δ -05º 03’ 59’’
Distancia 34,7 ± 0,4 años lluz
Magnitú visual +7,70
Magnitú absoluta +7,54
Lluminosidá 0,11 soles
Temperatura 4723 K
Masa 0,68 soles
Tipu espectral K5V
Velocidá radial +33,6 km/s

Gliese 653 (HD 154363 / HIP 83591 / Wolf 635)[1] ye una estrella a 34,7 años lluz de distancia del Sistema Solar en direición a la constelación de Ophiuchus, visualmente asitiada a 1,3º al suroeste de 30 Ophiuchi.

Forma un sistema binariu con Gliese 654 (HIP 83599 / Wolf 636),[2] siendo la separación visual ente dambes estrelles de 184,5 segundos d'arcu,[3] equivalente a una distancia ente elles de más de 2500 UA.

Con magnitú aparente +7,73, Gliese 653 ye una nana naranxa de tipu espectral K5V.[4] La so lluminosidá apenes supón el 11% de la que tien el Sol y la so masa envalórase llixeramente cimera a 2/3 de la masa solar.[4] Ye comparable a otres nanes de tipu K nesta mesma constelación, tales como 36 Ophiuchi C o 70 Ophiuchi B. Presenta una exigua metalicidá —bayura relativa d'elementos más pesaos qu'el heliu—, inferior a una cuarta parte de la solar.[4]

Pela so parte, Gliese 654 ye una nana colorada de tipu M2[2] o M3.5V.[5] De magnitú aparente +10,07, la so lluminosidá —nel espectru visible— ye 11 vegaes menor que la de la so distanciada acompañante. Piénsase que pue ser una estrella variable, recibiendo la denominación NSV 8176 nel New Catalogue of Suspected Variable Stars.

Ver tamién[editar | editar la fonte]

Referencies[editar | editar la fonte]