Gliese 349

De Wikipedia
Saltar a navegación Saltar a la gueta
Gliese 349
Gliese 349
Constelación Hidra
Ascensión reuta α 09h 29min 54,82s
Declinación δ +05º 39’ 18,5’’
Distancia 41,4 años lluz
Magnitú visual +7,22
Magnitú absoluta +6,64
Lluminosidá 0,18 soles
Temperatura 4419 K
Masa 0,79 soles
Radiu 0,73 soles
Tipu espectral K3V
Velocidá radial +26,7 km/s

Gliese 349 (GJ 349 / HD 82106 / HIP 46580)[1] ye una estrella de magnitú aparente +7,22. Ta encuadrada na constelación d'Hidra cerca de la llende con Lleo, a pocu más de 2º de 10 Leonis. Tópase asitiada a 41,4 años lluz del Sistema Solar. La nana colorada Gliese 361 alcuéntrase a 7 años lluz d'ella.[2]

Gliese 349 ye una nana naranxa de tipu espectral K3V,[1] una estrella de la secuencia principal que llogra la so enerxía a partir de la fusión del hidróxenu. Más fría qu'el Sol —la so temperatura superficial ye de 4419 K[3] relluma con una lluminosidá nel espectru visible equivalente al 18% de la lluminosidá solar.[4] De carauterístiques físiques similares a les de ε Indi, pero casi cuatro veces más alloñada qu'ésta, tien el 79% de la masa solar y el so diámetru correspuende al 73% del que tien el Sol.[5]

Gliese 349 xira sobre sigo mesma con una velocidá de rotación proyeutada de 4,1 km/s,[3] siendo'l so periodu de rotación de 13,30 díes. Estos valores dexen envalorar la so edá por xirocronoloxía, amosando que Gliese 349 ye una nueva estrella de 435 millones d'años d'edá.[6] El so índiz de metalicidá ([Fe/H] = -0,15), revela un conteníu metálico —entendiendo por metales aquellos elementos más pesaos qu'el heliu— inferior a la solar.[7]

Ver tamién[editar | editar la fonte]

Referencies[editar | editar la fonte]

  1. 1,0 1,1 LHS 2147 -- High proper-motion Star (SIMBAD)
  2. Stars within 15 light-years of Bonner Durchmusterung +6°2182 (The Internet Stellar Database)
  3. 3,0 3,1 Schröder, C.; Reiners, A.; Schmitt, J. H. M. M.. «Ca II HK emission in rapidly rotating stars. Evidence for an onset of the solar-type dynamo». Astronomy and Astrophysics 493 (3). pp. 1099-1107. http://cdsads.u-strasbg.fr/cgi-bin/nph-bib_query?2009A&A...493.1099S&db_key=AST&nosetcookie=1. 
  4. Bonner Durchmusterung +6°2182 (The Internet Stellar Database)
  5. Takeda, Genya; Ford, Eric B.; Sills, Alison; Rasio, Frederic A.; Fischer, Debra A.; Valenti, Jeff A.. «Structure and Evolution of Nearby Stars with Planets. II. Physical Properties of ~1000 Cool Stars from the SPOCS Catalog». The Astrophysical Journal Supplement Series 168 (2). pp. 297-318. http://cdsads.u-strasbg.fr/cgi-bin/nph-bib_query?2007ApJS..168..297T&db_key=AST&nosetcookie=1. 
  6. Barnes, Sydney A.. «Ages for Illustrative Field Stars Using Gyrochronology: Viability, Limitations, and Errors». The Astrophysical Journal 669 (2). pp. 1167-1189. http://cdsads.u-strasbg.fr/cgi-bin/nph-bib_query?2007ApJ...669.1167B&db_key=AST&nosetcookie=1. 
  7. Holmberg, J.; Nordström, B.; Andersen, J.. «The Geneva-Copenhagen survey of the solar neighbourhood. III. Improved distances, ages, and kinematics». Astronomy and Astrophysics 501 (3). pp. 941-947 (Tabla consultada en CDS). http://cdsads.u-strasbg.fr/cgi-bin/nph-bib_query?2009A%26A...501..941H&db_key=AST&nosetcookie=1.