Glenn Strange

Glenn Strange
Vida
Nacimientu	condáu d'Otero, 16 d'agostu de 1899
Nacionalidá	Estaos Xuníos
Llingua materna	inglés
Muerte	Los Angeles, 20 de setiembre de 1973 (74 años)
Sepultura	Forest Lawn Memorial Park
Causa de la muerte	cáncanu de pulmón
Estudios
Llingües falaes	inglés
Oficiu	actor, cantante, ganaderu, actor de televisión, compositor de bandas sonoras (es) , actor de cine
Altor	193 cm
Xéneru artísticu	western
Instrumentu musical	voz
IMDb	nm0833363

Glenn Strange (16 d'agostu de 1899, condáu d'Otero – 20 de setiembre de 1973, Los Angeles) foi un actor cinematográficu y televisivu d'Estaos Xuníos, habitual en producciones de xéneru western. Fízose sobremanera conocíu por encarnar a la bisarma de Frankenstein en tres películes d'Universal Studios na década de 1940, según pol so papel de Sam Noonan na serie televisiva de la CBS Gunsmoke.

Primeros años[editar | editar la fonte]

Nacíu en Weed (Nuevu Méxicu), el so nome completu yera George Glenn Strange, y yera el cuartu fíu de William Russell Strange y Sarah Eliza Byrd. Yera descendiente de Pocahontas y John Rolfe, de Jamestown (Virginia), polo que tenía sangre irlandés y Cherokee. El so primu foi la estrella cinematográfica del western Rex Allen.

Strange crióse en Cross Cut, nel Condáu de Brown (Texas). El so padre yera camareru y rancheru. Strange aprendió a tocar d'oyíu el fiddle y la guitarra, y a los dolce años tocaba en bailles d'estilu cowboy. En 1928 trabayaba na radio en El Paso (Texas), y en 1930 foi a Hollywood como miembru d'un grupu de cantantes, los Arizona Wranglers. Strange xuniérase a los cantantes n'actuando nun rodiu en Prescott (Arizona). Un primu de Strange, Taylor McPeters, o "Cactus Mack", tamién formaba parte de los Wranglers.

Strange consiguió'l so primer papel cinematográficu en 1932, actuando en centenares de producciones a lo llargo de la so carrera. En 1949 foi Butch Cavendish na serie interpretada por Clayton Moore El llaneru solitariu.

Strange foi en dos causes Jim Wade na serie western de Bill Williams The Adventures of Kit Carson. Tamién encarnó dos veces a "Blake" n'otra producción televisiva western, The Cisco Kid. En 1954 foi'l Xérif Billy Rowland nel show western interpretáu por Jim Davis Stories of the Century. Strange actuó seis veces, y con papeles distintos, en 1956 na serie d'Edgar Buchanan Judge Roy Bean. En 1958 participó nun episodiu del show protagonizáu por John Payne The Restless Gun. Amás, en 1959 trabayó n'otra serie western, Mackenzie's Raiders, en concretu nel capítulu tituláu "Apache Boy". Con rellación a Gunsmoke, Strange trabayó per vegada primera nel show en 1959, asumiendo dellos papeles enantes de ser escoyíu pa interpretar al camareru.

La Bisarma de Frankenstein[editar | editar la fonte]

En 1942 actuó en The Mad Monster, de Producers Releasing Corporation, y en 1944, mientres se preparar p'actuar nuna cinta d'aición d'Universal, l'artista de maquillaxe Jack Pierce pensó que la cara de Strange yera afechu pal papel de la Bisarma. Asina, foi escoyíu p'actuar en House of Frankenstein encarnando'l papel creáu por Boris Karloff na versión de Frankenstein rodada en 1931.

Strange interpretó tamién a la Bisarma en Abbott and Costello Meet Frankenstein (1948), xunto a Lon Chaney y Bela Lugosi. Strange fixo lo mesmo con Lou Costello nun sketch sobre una casa encantada en The Colgate Comedy Hour. Amás, fixo una actuación publicitaria como un mazcaráu sentáu nun palu nuna cadena televisiva de Los Angeles na década de 1950. Tres delles selmanes d'incógnita sobre la identidá del individuu, Strange quitóse la mascara y apaeció como la Bisarma de Frankenstein (realmente, otra mázcara más.) Strange tamién foi una bisarma con calteres simiescos na comedia d'horror de los The Bowery Boys Master Minds en 1949, asonsañando los frenéticos movimientos risibles de Huntz Hall.

Mientres la fola de comercialización de productos rellacionaos coles bisarmes ente les décades de 1950 y 1960, Glenn Strange foi usualmente la imaxe de Frankestein en xuguetes y otros oxetos. En 1969 The New York Times equivocadamente publicó nel obituariu de Boris Karloff una semeya de la Bisarma de Frankestein de Glenn Strange.^[2]

Vida personal[editar | editar la fonte]

La primer esposa de Strange foi Flora Hooper. Cola so segunda esposa, Minnie Thompson (1911–2004), tuvo casáu 36 años, dende 1937 a 1973, añu del fallecimientu d'él. La pareya tuvo dos fíos, Harry Glenn Strange (nacíu en 1938) y Janine Laraine Strange (1939).

Glenn Strange finó por causa de un cáncer de pulmón en Los Angeles, California, en 1973, pocu dempués de dexar el trabayu en Gunsmoke por causa de los sos problemes de salú. Strange collaborara n'ocasiones col actor de western Eddie Dean, interpretando dambos el cantar titular de Tumbleweed Trail (1942). Dean cantó nel funeral de Strange como homenaxe final al actor. Strange foi soterráu nel Campusantu Forest Lawn Memorial Park de Hollywood Hills, en Los Angeles

Notes[editar | editar la fonte]

Referencies[editar | editar la fonte]

↑ ^1,0 ^1,1 Afirmao en: SNAC. Identificador SNAC Ark: w62944kb. Apaez como: Glenn Strange. Data de consulta: 9 ochobre 2017. Llingua de la obra o nome: inglés.
↑ Gregory William Mank, Bela Lugosi and Boris Karloff: The Expanded Story of a Haunting Collaboration, McFarland & Co Inc, 2009, ISBN 0-7864-3480-5, page 610