Gilles Ménage

De Wikipedia
Saltar a navegación Saltar a la gueta
Gilles Ménage
Gilles Ménage 1666.jpg
Vida
Nacimientu Angers15  d'agostu de 1613
Nacionalidá Bandera de Francia Francia
Llingua materna francés
Fallecimientu

París23  de xunetu de 1692

(78 años)
Estudios
Llingües francés
llatín
Oficiu
Oficiu llingüista, escritor, abogáu, críticu lliterariu, lliteratu y lexicógrafu
Miembru de Accademia della Crusca Traducir
Cambiar los datos en Wikidata
Gilles Ménage

Gilles Ménage (Angers, 15 d'agostu de 1613 - París, 23 de xunetu de 1692) foi un gramáticu y escritor francés.

Fíu d'un abogáu de Angers, nietu de Pierre Ayraut, empezó a estudiar derechu pa ser tamién abogáu como'l so padre. Una enfermedá obligó-y a abandonar esta carrera pa ingresar na carrera eclesiástica. Foi prior comanditariu de Montdidier y, más tarde, formó parte de la camarilla del coaxutor de París Monsieur Gondi futuru cardenal de Retz.

En 1648 se querelló contra Gondi y estremóse d'él enclaustrándose na Catedral de Notre Dame de París. Sicasí abrió un salón lliterariu en compañía de Jean Chapelain y de Paul Pellisson. Les xuntes, a les que Ménage llamaba les Mercuriales, celebrábense los miércoles. Estraordinariu gramáticu, caltuvo fuertes discutinios con Vaugelas, cuantimás sobre los sos Observations sur la langue française (1672).

El so tratáu de los Oríxenes de la llingua francesa, pue ser consideráu como'l primera gran diccionariu etimolóxicu francés.

Molière fixo, na so obra Les Femmes Savantes (1672), una caricatura d'él, representada pol cascante personaxe de Vadius

Seleición d'obres[editar | editar la fonte]

  • Poemata llatina, gallica, graeca, et italica (1656)
  • Origini della lingua italiana (1669)
  • Dictionnaire etymologique (1650 and 1670)
  • Observations sur la langue française (1672-1676)
  • Histoire de Sablé (1683)
  • Anti-Bailet (1690).
  • Historia Mulierum Philosopharum, Lugduni, 1690, in-12. Traducción Francesa : Histoire des femmes philosophes, Traductaora Manuella Vaney, Paris, Arléa, 2006.