Saltar al conteníu

Germaine Dulac

De Wikipedia
Germaine Dulac
Vida
Nacimientu Amiens[1], 17 de payares de 1882[2]
Nacionalidá Bandera de Francia Francia [3]
Muerte París[4], 20 de xunetu de 1942[2] (59 años)
Sepultura Cementeriu de Père-Lachaise[5]
Familia
Casada con Albert Dulac (1905 – 1920)
Marie-Anne Colson-Malleville ( – 1942)
Estudios
Llingües falaes francés[6]
Oficiu
Oficiu direutora de cine, teórica del cine, críticu de cine, dramaturga, guionista, escritora, periodista, realizadora
Trabayos destacaos La Fête espagnole (es) Traducir
La sonriente Madame Beudet (es) Traducir
La Concha y el Reverendo (es) Traducir
Princesse Mandane (es) Traducir
Miembru de Consejo Nacional de Mujeres Francesas (es) Traducir
Movimientu Impresionismo cinematográfico francés (es) Traducir
IMDb nm0241273
Cambiar los datos en Wikidata

Germaine Dulac (17 de payares de 1882, Amiens – 20 de xunetu de 1942, París), de soltera Charlotte Elisabeth Germaine Saisset-Schneider, foi una directora, teórica, periodista y crítica de cine francesa, feminista y pionera de la vanguardia europea de la década de 1920. Considérase una de les principales esponentes del impresionismu cinematográficu francés.[7] Foi la directora de la que foi considerada la película que dio entamu al cine impresionista francés según Georges Sadoul. Tamién ye conocida pola so película impresionista La souriante Madame Beudet (1922/23), y el mediumetraxe La Coquille et le clergyman (1928), consideráu'l primer filme surrealista de la historia.[7][8]

Biografía

[editar | editar la fonte]

Nació n'Amiens, Francia, nuna familia de clase media alta, fía d'un militar de carrera. Debíu al trabayu del so padre, la familia viose obligada a treslladase con frecuencia ente les pequeñes ciudaes de guarnición. Foi unviada a vivir cola so güela en París. Llueu s'interesó pol arte y estudió música, pintura y teatru. Tres la muerte de los sos padres, Dulac instalóse definitivamente en París y combinó'l so creciente interés pol socialismu y el feminismu cola so carrera periodística.

En 1905 casó con Louis-Albert Dulac, un inxenieru agrícola que tamién provenía d'una familia de clase alta. El so matrimoniu tuvo marcáu pola separación intermitente. Pola correspondencia que calteníen ente dambos, deduzse que'l so home facilitó qu'ella pudiera vivir la so sexualidá con otres muyeres.[9] Esto repercutió tanto na so carrera como na so vida sentimental, yá que una d'eses muyeres coles que Dulac caltuvo una relación foi Irène Hillel-Erlanger, que se convirtió nuna de les sos primeres collaboradores cinematográfiques y con quien fundó la primer productora de Dulac, Les Films DH (llamada asina polos sos apellíos).[9] Amás, caltuvo un romance cola actriz y baillarina Stasia Napierkowska, qu'apaecería en delles de les sos películes.[9] El novelista Henry Miller, que yera un gran almirador de les sos películes, referíase a Dulac como "una gran lesbiana".[8]

En 1920 Dulac y el so home divorciáronse. Dempués d'eso, empezó una rellación con Marie-Anne Colson-Malleville, que trabayó como la so ayudante de dirección en munchos de los sos proyectos, y que duró hasta'l final de la so vida.[9] La correspondencia que caltuvo con esta postrera atópase archivada sol nome de Fonds Marie-Anne Colson-Malleville na Bibliothèque du Film de París.

Morrió'l 20 de xunetu de 1942 en París, a los 59 años d'edá.

Trayectoria profesional

[editar | editar la fonte]

Dulac cultivó'l so interés pola fotografía, que precedió a la so iniciación nel cine. Antes de la so carrera cinematográfica, Dulac escribió artículos pa la revista feminista radical La Fronde, de 1900 a 1913. En 1909, empezó a escribir como periodista pa La Française, una revista feminista y depués como crítica teatral hasta 1913. Equí entrevistó a una gran cantidá de muyeres establecíes en Francia col enfotu de destacar el papel de les muyeres na sociedá y la política franceses.[10] Una d'eses muyeres foi Anna de Noailles, poeta francesa, como'l so primer encargu. Sicasí, cuando Dulac llegó a la so puerta, entró en llerza y entrevistó al valet de chambre de Noaille. Poco dempués dedicóse a la crítica teatral, pero inda collaboraba dacuando en La Fronde. La so esperiencia como crítica teatral espertó'l so interés pol cine ya impulsó la so carrera cinematográfica.[11]

Dulac se interesó por el cine en 1914 a través de su amiga, l'actriz Stacia Napierkowska. Ambas viajaron xuntes a Italia poco antes de la Primer Guerra Mundial; Napierkowska iba a actuar nuna película de Film d'Art y Dulac aprendió los conceptos básicos del mediu durante ese viaje. Dende principios de 1900 hasta finales de 1920, Dulac contrastaba con frecuencia la modernidá de la capital francesa cola naturaleza provinciana de la Francia rural, una dicotomía común nes sos películes. Poco dempués del so regresu a Francia decidió fundar una compañía cinematográfica. Dulac y la escritora Irène Hillel-Erlanger fundaron DH Films, col sofitu financieru del maríu de Dulac. La empresa produció delles películes ente 1915 y 1920, toes dirixíes por Dulac y escrites por Hillel-Erlanger. Estes incluyeron Les Sœurs ennemies (1915/16; primer película de Dulac), Vénus victrix, ou Dans l'ouragan de la vie (1917), Géo, le mystérieux (1ou La vraie richesse, 1916) y otros.

El primer ésitu de Dulac foi Âmes de fous (1918), una serie melodramática escritu pola mesma Dulac. La película presenta una apaición temprana de l'actriz Ève Francis, quien presentó a Dulac al so amigu cineasta y críticu (y más tarde maríu) Louis Delluc. Poco tiempu dempués, Dulac y Delluc collaboraron en La Fête espagnole (La fiesta española, 1920), otra película protagonizada por Francis, que foi proclamada una de les películes más influyentes de la década y supuestamente una de les principales obres del cine impresionista francés. Sicasí, güei namás esisten unos pocos estractos de la película. Dulac y Delluc collaboraron en delles fotografíes.

En 1921, cavilgó sobro un alcuentru con D. W. Griffith nun artículu qu'escribió tituláu "Chez DW Griffith". Nel artículu, Dulac presentó dos temes populares que surden en munches de les sos películes: l'autonomía del cine como forma d'arte independiente y llibre de les influencies de la pintura y la lliteratura y la importancia del cineasta como fuercia artística y creativa individual.

Siguió la so carrera cinematográfica produciendo tantu películes comerciales sencielles como complexes narratives presurrealistes, como dos de les sos obres más famoses: La souriante Madame Beudet (1922/23) y La Coquille et le clergyman (1928). Dambes películes estrenáronse antes de la dómina de Un perro andaluz (1929) de Luis Buñuel y Salvador Dalí. La Coquille et le clergyman dacuando acredítase como la primer película surrealista; sicasí, dellos estudiosos, como Ephraim Katz, consideren a Dulac primero de too un cineasta impresionista. L'oxetivu de Dulac de "cine puru" y dalgunes de les sos obres inspiraron el movimientu cinematográficu francés. Otres de les sos películes esperimentales más importantes inclúin dellos curtiumetraxes basaos na música: Disque(s) 957 (1928/29; basáu en Chopin) y Thème et variaciones (1928/29; música clásica), asina como otros del mesmu periodu. Na so obra fílmica amuésense temes como la desesperación del matrimoniu heterosexual o se resalta positivamente a les pareyes del mesmu sexu.[8]

Cola llegada del cine sonoru, la carrera de Dulac camudó. A partir de 1930 volvió a l'actividá comercial, dedicando la so última década al cine documental cola creación de noticieros para Pathé y más tarde para Gaumont. La so última película como directora foi en 1934.

Referencies

[editar | editar la fonte]
  1. ↑ Afirmao en: Gemeinsame Normdatei. Data de consulta: 13 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. ↑ 2,0 2,1 Afirmao en: SNAC. Identificador SNAC Ark: w6q66w7k. Apaez como: Germaine Dulac. Data de consulta: 9 ochobre 2017. Llingua de la obra o nome: inglés.
  3. ↑ Afirmao en: LIBRIS. Identificador de Libris: tr58gcbc4ldscx4. Data d'espublización: 22 xineru 2013. Data de consulta: 24 agostu 2018. Editorial: Biblioteca Nacional de Suecia.
  4. ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
  5. ↑ Afirmao en: Deux siècles d'histoire au Père Lachaise. Páxina: 299. Autor: Paul Bauer. Llingua de la obra o nome: francés. Data d'espublización: 2006.
  6. ↑ Afirmao en: autoridaes BNF. Identificador BnF: 12450301b. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
  7. ↑ 7,0 7,1 lacabinafestival (2011-09-23). «La primera película surrealista fue un mediometraje» (castellanu). La Cabina. Consultáu'l 2024-01-21.
  8. ↑ 8,0 8,1 8,2 Anderson, Melissa (2018-09-01). «LADIES OF THE LAKE» (inglés). Artforum. Consultáu'l 2024-01-21.
  9. ↑ 9,0 9,1 9,2 9,3 «Queer & Now & Then: 1928» (inglés). Film Comment (2018-08-15). Consultáu'l 2024-01-21.
  10. ↑ (1990) To Desire Differently.
  11. ↑ «Dulac, Germaine (1882–1942) | Encyclopedia.com». www.encyclopedia.com. Consultáu'l 2023-04-25.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Germaine_Dulac&oldid=4363556»