Gary Sinise

De Wikipedia
Saltar a: navegación, buscar
Gary Sinise
Gary Sinise
Gary Sinise 2011 (cropped).jpg
Gary Sinise en 2011.
Nome real Gary Alan Sinise
Nacencia 17 de marzu de 1955 (62 años)
Bandera de Estaos Xuníos d'América Blue Island, Illinois, Estaos Xuníos
Pareya/es Moira Harris (1981-presente)
Fíu/os Sophie Anne (1988)
McCanna Anthony (1990)
Ella Jane (1992)
Ficha en IMDb

Gary Alan Sinise (17 de marzu de 1955) ye un actor y direutor d'Estaos Xuníos. A lo llargo de la so carrera, Sinise ganó un premiu Emmy y un Globu d'Oru, y foi nomáu a la Palma d'Oru y al Óscar. En 1992 dirixió ya interpretó un papel na adaptación de De mures y homes. Foi nomáu al Óscar como meyor actor de repartu en 1994 pol so papel como'l teniente Dan Taylor en Forrest Gump. Ganó'l Globu d'Oru como meyor actor nun telefilme pol so papel en Truman. En 1996 interpretó a un oficial de policía corruptu nel drama Rescate de Ron Howard. En 1998 ganó'l Emmy al meyor actor nun telefilme por George Wallace, onde interpretó a George Wallace, el gobernador de Alabama.

Primeros años[editar | editar la fonte]

Sinise nació en Blue Island, Illinois, fíu de Millie Alsip y el montador de cine Robert L. Sinise.[1][2][3] Parte de la so ascendencia ye italiana.[4] Asistió a la Secundaria Highland Park, d'Illinois, y siguió estudiando na Universidá estatal d'Illinois. En 1974, Sinise y dos amigos, Terry Kinney y Jeff Perry, fundaron la Compañía de teatru Steppenwolf.[5] Dende la so fundación, Steppenwolf esibió'l talentu d'actores como Joan Allen, Kevin Anderson, Gary Cole, Ethan Hawke, Glenne Headly, John Mahoney, John Malkovich, Laurie Metcalf, Martha Plimpton, Jim True-Frost y William Petersen. En Steppenwolf, Sinise desenvolvió les sos habilidaes como actor y direutor, y trabayó en más de treinta producciones.

Carrera[editar | editar la fonte]

Sinise nel set de filmación de Forrest Gump en 1994

En 1982, la carrera de Sinise empezó a tener ésitu cuando dirixió y protagonizó la obra True West, producida nel teatru Steppenwolf. En 1983, ganó un premiu Obie pol so trabayu como direutor y un añu más tarde trabayó con John Malkovich nuna producción de la PBS de la mesma obra. En 1988 dirixió Miles from Home, una película protagonizada por Richard Gere alrodiu de la llucha de dos hermanos contra'l zarru de la granxa familiar. Darréu, Sinise trabayó en delles películes, ente elles Forrest Gump, Of Mice and Men (la cual tamién dirixió), Apolo 13, Reindeer Games, Snake Eyes, Ransom, Misión a Marte, Apocalipsis, Infiltrado y The Green Mile. Amás grabó un audiolibro de Travels with Charley: In Search of America y de De mures y homes, del autor John Steinbeck.

Gary Sinise tocando'l baxu en Lt. Dan Band (2008)

En 2004 empezó a actuar na so primer serie como miembru regular, en CSI: Nueva York, onde interpretó al detective Mac Taylor. Foi acreditáu como productor dende la segunda temporada y amás escribió la trama d'un episodiu. Dellos episodios dexáronlu a Sinise demostrar les sos habilidaes como músicu, como na segunda temporada cuando Mac Taylor toca'l baxu nun club de jazz al pie de los músicos Kimo, Carol Williams y Danny Gottlieb, miembros de la Lt. Dan Band, fundada por Sinise y Kimo Williams nel añu 2003. El nome de la banda surdió pol personaxe de Sinise en Forrest Gump.

Sinise foi premiáu cola Presidential Citizen Medal por George W. Bush por cuenta del so llabor de sofitu a les tropes estaunidenses y pol trabayu humanitariu en sofitu de los neños iraquinos.[6] A finales de 2008 narró "Army and Army Acute Army Strong", un comercial de reclutamiento.[7] Sinise ye unu d'el productores executivos de Brothers at War (2009), un documental sobre la Guerra d'Iraq.[8] El documental amuesa una familia militar americana y les esperiencies de tres hermanos: Jake, Isaac y Joseph Rademacher.[9]

Vida privada[editar | editar la fonte]

Sinise ta casáu cola actriz Moira Harris dende 1981, tienen tres fíos: Sophia Ana (n. 1988), McCanna Anthony (n. 1990) y Ella Jane (n. 1992). En 2003 foi premiáu con un Doctoráu Honoris Causa pol Amherst College.[10] Ye católicu conversu. Dedicó enforma tiempu al Muséu Nacional d'Arte de los Veteranos de Vietnam, agora llamáu National Veterans Art Museum.

Filmografía[editar | editar la fonte]

Premios[editar | editar la fonte]

Óscar[editar | editar la fonte]

Añu Categoría Película Resultancia
1994 Meyor actor de repartu Forrest Gump Candidatu

Globu d'Oru[editar | editar la fonte]

Añu Categoría Película Resultancia
1994 Meyor actor de repartu Forrest Gump Candidatu

Premios del Sindicatu d'Actores[editar | editar la fonte]

Añu Categoría Película Resultancia
1994 Meyor repartu Forrest Gump Candidatu
1994 Meyor actor de repartu Forrest Gump Candidatu
1994 Meyor actor de repartu Apocalipsis Candidatu

Referencies[editar | editar la fonte]

  1. Robert L. Sinise biografía en imdb.com
  2. The guts and the glory
  3. «Gary Sinise Biography (1955-)». Filmreference.com. Consultáu'l 17 d'avientu de 2009.
  4. http://archive.southcoasttoday.com/daily/02-07/02-07-07/03living.htm
  5. «Gary Sinise: Ensemble Member Bio». Consultáu'l 3 de xineru de 2008.
  6. «Bush gives medals to Watergate figure, others». Consultáu'l 10 d'avientu de 2008.
  7. «Soldier Life > Army Families». GoArmy.com. Consultáu'l 17 d'avientu de 2009. (Archived by WebCite® at http://www.webcitation.org/5nuXS9YWg)
  8. «Award-Winning Documentary 'Brothers at War' Supported by Two Honored Executive Producers». Breitbart.com (13 de marzu de 2009). Consultáu'l 17 d'avientu de 2009.
  9. «Filme review: ‘Brothers at War’ - Military Movies». Military Times. Consultáu'l 17 d'avientu de 2009.
  10. «Amherst College Commencement: 2003 Honorary Degree Citations». Consultáu'l 3 de xineru de 2008.

Enllaces esternos[editar | editar la fonte]