Gary Dourdan

Gary Dourdan
Vida
Nacimientu	Filadelfia, 11 d'avientu de 1966 (57 años)
Nacionalidá	Estaos Xuníos
Llingua materna	inglés
Familia
Casáu con	Roshumba Williams (1992 – 1994)
Estudios
Llingües falaes	inglés
Oficiu	actor, actor de televisión, actor de cine, modelu
IMDb	nm0235427

Gary Dourdan (11 d'avientu de 1966, Filadelfia) ye un actor de cine y televisión, famosu pol so papel de Warrick Brown na serie televisiva CSI: Crime Scene Investigation.

Biografía[editar | editar la fonte]

Dourdan foi afayáu como actor por Debbie Allen, protagonista de la serie Fama. En participando n'episodios de series televisives como Un mundu distintu y apaecer en delles películes pa televisión, debutó nel cine con Esti muertu ta bien vivu 2 (1993).

Más tarde participó en películes como The Paper (1994), Alien: Resurrección (1997) o El infiltrado (2002).

Dourdan consiguió la fama nes series de televisión, participando en numberoses series a lo llargo de la so carrera, como The Office, Swift Justice, Soul Food y CSI: Crime Scene Investigation.

Detención[editar | editar la fonte]

El 30 d'abril de 2008, Gary Dourdan foi atopáu pola policía mientres dormía nun coche mal aparcáu nuna urbanización de Palm Springs. L'actor aparentaba tar so los efeutos del alcohol y les drogues. Al ser deteníu atopóse-y la Biblia, un rosariu, un llibru tituláu Jesús ye estraterrestre y melecines pa los que nun tenía receta.^[2] Salió a les poques hores de la cárcel en pagando una fianza de 5.000 dólares.

Nun corréu electrónicu unviáu a la prensa, l'actor alegaba que la droga atopada xunto a él pertenecía a unes persones a les qu'acompañaba tres una fiesta VIP la nueche anterior. Sicasí, dalgunos de los sos amigos y compañeros de trabayu na serie CSI declararon a la prensa que la detención nun-yos sorprendía. Unu de los sos compañeros en CSI declaró al Chicago Sun Times, tres estos, creo que vamos faer un esfuerciu en convencer a Gary por que llogre ayuda primero que se mate a sí mesmu.

Declaróse culpable de tres cargos de posesión de cocaína y éxtasis el 28 de mayu de 2008. Va Tener que completar un programa de drogues en llugar de los trés años y ocho meses a los que podía ser condergáu. A pesar del ésitu de CSI:Las Vegas, Dourdan dexó la serie en mayu, a la fin de la octava temporada.

El voceru de la CBS declaró que la cadena nun fadría comentarios sobre l'arrestu del actor, nin si esto afectaría na grabación de los últimos capítulos. L'axente del actor nun respondió a les llamaes de la prensa.

Referencies[editar | editar la fonte]

↑ «idRef» (francés). Agencia Bibliográfica de Enseñanza Superior. Consultáu'l 5 marzu 2020.
↑ «Gente - El guapu de 'CSI: Las Vegas' ye arrestáu con cocaína, éxtasis y heroína - ADN.es».

Enllaces esternos[editar | editar la fonte]

Ficha de Gary Dourdan en CSI:guide.com (n'inglés)

[ca8a7c3caa1e4b43075e7d722c51e2d9e9dd9f14-1] «idRef» (francés). Agencia Bibliográfica de Enseñanza Superior. Consultáu'l 5 marzu 2020.

[2] «Gente - El guapu de 'CSI: Las Vegas' ye arrestáu con cocaína, éxtasis y heroína - ADN.es».

[1]

[2]