Gamma2 Normae

De Wikipedia
Saltar a navegación Saltar a la gueta
Gamma2 Normae
Gamma2 Normae
Constelación Norma
Ascensión reuta α 16h 19min 50,42s
Declinación δ -50º 09’ 19,8’’
Distancia 128 años lluz
Magnitú visual +4,01
Magnitú absoluta +1,05
Lluminosidá 45 soles
Temperatura 4735 K
Masa 2 - 2,5 soles
Radiu 10 soles
Tipu espectral G8III
Velocidá radial -28,9 km/s

Gamma2 Normae2 Nor / HD 146686 / HR 6072 / HIP 80000)[1] ye una estrella na constelación de Norma. Xuntu a Gamma1 Normae1 Nor) comparten la denominación de Bayer Gamma, anque son estrelles totalmente independientes. Gamma2 Normae alcuéntrase a 128 años lluz de distancia de la Tierra, ente que Gamma1 Normae ta unes once veces más alloñada, a 1440 años lluz. Gamma2 Normae, con magnitú aparente +4,01, ye la estrella más brillosa de la constelación.

Gamma2 Normae ye una xigante mariella de tipu espectral G8III y 4735 K de temperatura. Relluma con una lluminosidá equivalente a 45 soles, tien un diámetru 10 vegaes mayor qu'el del Sol y una masa ente 2 y 2,5 vegaes la masa solar. La so edá ta entendida ente 600 y 1400 millones d'años, en función de lo qu'avanzara na so evolución. La so velocidá de rotación proyeutada ye de 12 km/s, implicando un periodu de rotación igual o inferior a 41 díes.[2]

Una estrella de magnitú +10 —catalogada como compañera binaria de Gamma2 Normae— paez nun tar gravitacionalmente xunida a ella, siendo namái una estrella asitiada na mesma llinia de visión. La separación visual ente dambes estrelles yera de 25 segundos d'arcu en 1834 ente qu'en 1959 aumentara a 45 segundos d'arcu.[2]

Referencies[editar | editar la fonte]