Galipentzu

De Wikipedia
Saltar a navegación Saltar a la gueta
Galipentzu
Gallipienzo y el rio Aragón.JPG
Escudo de Gallipienzo.svg
Alministración
PaísBandera d'España España
AutonomíaBandera de Navarra.svg Navarra
Tipu entidá conceyu d'España
Alcalde Maria Carmen Iriguibel Sola
Códigu postal 31493
Xeografía
Coordenaes 42°31′50″N 1°23′22″W / 42.530555555556°N 1.3894444444444°W / 42.530555555556; -1.3894444444444Coordenaes: 42°31′50″N 1°23′22″W / 42.530555555556°N 1.3894444444444°W / 42.530555555556; -1.3894444444444
Galipentzu is located in España
Galipentzu
Galipentzu
Galipentzu (España)
Altitú 389 m
Llenda con Cáseda, Carcastillo, Murillo el Frutu, Ujué, Eslava, Ezprogui y Sada
Demografía
Población 99 hab. (2017)
Porcentaxe 0.02% de Navarra
Más información
Estaya horaria UTC+01:00
Cambiar los datos en Wikidata
Vista xeneral de la parte nueva de Galipentzu

Galipentzu ye un conceyu de la Comunidá Foral de Navarra, asitiáu na Merindad de Sangüesa, na contorna de Sangüesa y a 55 km de la capital de la comunidá, Pamplona. La so población en 2016 foi de 104 habitantes (INE).

Topónimu[editar | editar la fonte]

Sobre l'orixe del nome de la villa esisten delles teoríes:

Una d'elles, la del filólogu y etimólogu Joan Corominas basada nuna etimoloxía propuesta por Schmoll da un orixe celta al nome y escribe lo siguiente defendiendo esta teoría:

(...)quiciabes una Kallipiendion, compuestu de Kal(l)Io piedra (Stokes-Bezz. 72, fr. caillou) y Pend- de Quend- "fragmentu" (arapendis en galu) importante por ser un nome dáu por celtes de P = QU; seique más bien Kalipendion (con ll por etimoloxía popular) pos ye Garipenzu en vascu.

Tamién el filólogu Patxi Salaberri recueye otres teoríes sobre l'orixe del nome axuntaes o escurríes por Massu Nitta que basaríen l'orixe del nome nes voces vasques gara o garai (alto) xuntu con pendiz o pendoitz (cuesta pindia) y phendaitz (peña apuntiada), anque tampoco refuga l'orixe romance del nome basáu na relación coles voces llatines callis y pendius que vendría significar senderu o pindiu. D'esta forma l'historiador Braulio Vigón rellacionaría'l nome de la llocalidá navarra coles llocalidaes asturianes de Cruz de Pienzo, La Parea de Pienzo y Picu de Pienzo.

D'últimes Julio Caru Baroja tamién ellaboró otra teoría basada en que'l nome ye un compuestu de gari (trigu) y pentze (pradería).

El nome de la villa apaez en diversos documentos antiguos como: Galiipençu (1237, NEN); Galipenç, Galipenz (1191, 1193, 1197, s. XII-XV, 1139, 1147, NEN); Galipenço, Galipençu (1141, 1171, 1216, 1268, 1279, 1280, NEN); Galipenzo (1086, NEN); Gallipenz, Gallipenzo, Gallipenço, Gallipençum, Galylipenço, Guallipençum (1035?, 1161, 1185, 1171, 1191, 1193, 1207, NEN); Galipienço, Galipienzo (1084, 1193, 1193, 1201, NEN); Galipienço, Galipienzo Garsia O. de (1312, NEN); Gallipienço (1591, NEN); Gayllipienço, Gayllypienço (1366, NEN); Galliipinz, (1120, NEN).[1]

Símbolos[editar | editar la fonte]

Escudo[editar | editar la fonte]

El escudu d'armes de la villa de Galipienzo tien el siguiente blasón:

Trai de plata y un castiellu d'oru sosteníu por un águila de sable coronada.

Asina figura pintáu nes vidreres del Palaciu de Navarra. Mientres la Edá Media usó un sellu consistente nun castiellu de tres torres, la central más alta y sobre ella un gallu posáu, símbolu de vixilancia. Esti animal, más que al so simbolismu obedez al raigañu del nome de la villa: Galli, como blasón parlante. Sicasí, el nome primitivu de la llocalidá foi'l de Garipenzu.[2]

Xeografía física[editar | editar la fonte]

Situación[editar | editar la fonte]

Situación del conceyu de Galipentzu en Navarra y na Merindad de Sangüesa.

La villa de Gallipiezo ta asitiada na parte oriental de la Comunidá Foral de Navarra dientro de la rexón xeográfica de la Zona Media. El so términu municipal tien una superficie de 56 km² y llinda al norte con Ezprogui y Sada, al este con Cáseda, al sur con Carcastillo y al oeste con Murillo el Frutu, Ujué y Eslava.[3]

Clima[editar | editar la fonte]

El clima de la zona ye de tipu Mediterraneu continental y ta caracterizáu por tener iviernos fríos y lluviosos y branos templaos y secos. La temperatura medio añal bazcuya ente los 13º y 14 °C, les precipitaciones añales tán ente los 500 y 700 mm, rexistrándose ente 60 y 80 díes lluviosos al añu y l'índiz de evapotranspiración potencial ta ente 725 y 750 mm.[3]

Flora y fauna[editar | editar la fonte]

Flora La vexetación

arbórea autóctona de la zona ta compuesta principalmente por carbayos (Quercus robur), encinas (Quercus ilex) y pinu de Alepo (Pinus halepensis) de la cual entá queden dellos restos. Les repoblaciones que se llevaron a cabu fueron principalmente de pinu de Alepo y pinu laricio d'Austria (Pinus nigra).[3]

Demografía[editar | editar la fonte]

Evolución de la población[editar | editar la fonte]

Gráfica d'evolución de Gallipienzo ente 1900 y 2016

     Población de derechu (1900-1991) o población residente (2001) según los censos de población del INE.      Población según el padrón municipal de 2016 del INE.

Política y administración == Eleiciones municipales 2011 ==[editar | editar la fonte]

Nes eleiciones municipales de 2011. L'Agrupación Vecinderu de Gallipiezo foi la llista más votada llogrando'l 68,88% de los votos y 4 de los 5 conceyales que cunta'l Conceyu de Galipentzu colo que la so candidata María Carmen Iriguíbel Sola foi reelexida como alcaldesa. En segundu llugar quedó Unión del Pueblu Navarro (UPN) que llogró'l 24,10% y un conceyal.

Eleiciones municipales en Galipentzu[4]
Partíu políticu 2011
Votos válidos Votos % Conceyales
Vecinderu de Galipentzu 58 69,88% 4
Unión del Pueblu Navarro (UPN) 20 24,10% 1

Alcaldes[editar | editar la fonte]

Estos son los últimos alcaldes de Galipentzu

Llista d'alcaldes
Mandatu Nome del alcalde Partíu políticu
1979-1983 José Mateo Ibero Agrupación d'electores Nuevu Pobláu
1983-1987
1987-1991
1991-1995
1995-1999
1999-2003
2003-2007 Concepción Garralda Gorraiz Agrupación d'electores Vecinos de Galipentzu
2007-2011 María Carmen Iriguíbel Sola Agrupación d'electores Vecinos de Galipentzu
2011- María Carmen Iriguíbel Sola Vecinderu de Galipentzu

Arte, monumentos y llugares d'interés[editar | editar la fonte]

Vista xeneral de Galipentzu dende San Salvador

Monumentos relixosos[editar | editar la fonte]

Los sos monumentos relixosos más importantes son la ilesia de San Salvador y l'Ilesia de San Pedro,

Ilesia de San Salvador[editar | editar la fonte]

Ye un conxuntu formáu por una cripta y sobre ella la ilesia alta que los sos oríxenes son de finales del sieglu XII anque la mayor parte d'ésti data de los sieglos XIV, XV y XVI.

Allugar na parte más alta de la llocalidá y foi la so parroquia hasta qu'en 1785 esa función pasara a la ilesia de San Pedro.

La cripta tien función de salvar el desnivel que presenta'l terrén y faer posible la construcción de la cabecera de la ilesia alta. Ta formada por una única nave cubierta con bóveda de crucería simple con un ábside semicircular que se dixebra de la nave por aciu un arcu triunfal de mediu puntu sofitáu sobre columnes provistes de senciellos capiteles. L'ábside cunta con una ventana románica con guardapolvo de puntes de diamante y arquivolta baquetonada de mediu puntu sobre columnes remataes por capiteles.

La ilesia alta, data de finales del sieglu XIV. L'edificiu ta formáu por una sola nave con proporciones casi cuadraes con un ábside poligonal y esta cubierta por una bóveda de crucería y con un coru a los pies el cual atópase arruináu.

La puerta d'accesu, consta d'arcu apuntáu, formada, por arquivoltas bien fines, carente de tímpanu y de toa decoración escultórica.[3]

Ilesia de San Pedro[editar | editar la fonte]

Ye la parroquia de la llocalidá dende 1640 y según paez foi construyida simultáneamente cola de San Salvador, calteniéndose de dicha dómina la so portada, bien similar a la d'ésta. L'edificiu foi casi totalmente reformáu a fines del sieglu XVIII.

Del so interior destaca'l retablu mayor contratáu en 1629 del que se caltuvo solo la escultura, obra de Juan de Berroeta, perdiéndose l'armazón realizáu por Juan de Huici.

N'interior de la ilesia tamién se caltién una talla de Virxe del Rosario, que tien d'atribuyise tamién a Berroeta y otra de la Virxe de pies d'estilu góticu del sieglu XIV.[3]

Cultura[editar | editar la fonte]

Fiestes y evento[editar | editar la fonte]

Ver tamién[editar | editar la fonte]

Referencies[editar | editar la fonte]

  1. Belasko (1999). Diccionariu etimolóxicu de los pueblos, villes y ciudaes de Navarra. Pamiela, 209. ISBN 978-84-7681-301-0.
  2. OTAZU RIPA (1999). Heráldica Municipal Merindad de Sangüesa (I) - Navarra. Temes de Cultura Popular nº 288. Gobiernu de Navarra, 14. ISBN 84-235-0076-4.
  3. 3,0 3,1 3,2 3,3 3,4 «Artículu de Gallipienzo». Gran Enciclopedia Navarra. Consultáu'l 29 d'agostu de 2011.
  4. Ministeriu del interior (ed.): «Reultados eleiciones municipales Gallipienzo 2011». Consultáu'l 29 d'agostu de 2011.

Enllaces esternos[editar | editar la fonte]


Gallipienzo