Gabriela de Mónacu

Gabriela de Mónacu
Vida
Nacimientu	Centro Hospitalario Princesa Grace (es) , 10 d'avientu de 2014 (9 años)
Nacionalidá	Mónacu
Residencia	Palaciu del Príncipe de Mónacu
Familia
Padre	Alberto II de Mónacu
Madre	Carlina de Mónacu
Hermanos/es	Xaime de Mónacu; Jazmin Grace Grimaldi; Alexandre Grimaldi-Coste
Pueblu	Casa de Grimaldi
Estudios
Llingües falaes	francés; inglés
Oficiu	aristócrata, alumna
Premios	ver Grand Officer of the Order of Grimaldi (10 mayu 2015) ;
Creencies
Relixón	catolicismu

Gabriela Teresa María Grimaldi (francés: Gabriella Thérèse Marie Grimaldi; 10 d'avientu de 2014, Centro Hospitalario Princesa Grace ^(es) ) ye la primoxénita del Príncipe Alberto II de Mónacu y la so consorte, la Princesa Charlène, y ostenta los títulos de Princesa de Mónacu y Condesa de Carladès, con tratamientu d'Alteza Serenísima.

Biografía

Nacencia

Gabriela nació'l 10 d'avientu de 2014 nel hospital Princesa Grace de Mónacu, dos minutos primero que'l so hermanu'l Príncipe Jaime.

Al nacer, el principáu dio-yos la bienvenida con una salva de cuarenta y dos cañonazos disparaos dende'l castiellu Fuerte Antoine y les campanes de les sos ilesies repicaron al unísonu pa dempués dar el testigu a les serenes de los barcos atracaos nel puertu monegascu.

Los ximielgos fueron presentaos al públicu'l 7 de xineru de 2015, día que foi festivu en tou Mónacu.

Llei Sálica

La princesa Gabriela ocupa'l segundu puestu na llinia socesión al tronu de Mónacu a pesar de ser la primoxénita, yá qu'en Mónaco rixe una derivación de la Llei Sálica. El primeru ye'l so hermanu'l príncipe Jaime y dempués d'ella asítiase'l so tía, la princesa Carolina.^[4]

Jaime ostenta'l títulu de marqués de Baux, como marca la tradición establecida en 1641, ente que la so hermana Gabriela ye segunda na llinia socesoria y ostenta el títulu de condesa de Carladès.^[5] Jaime ye l'herederu al tronu más nuevu del mundu.

Bautizu

Gabriela foi bautizada'l 10 de mayu de 2015, al pie del so hermanu Jaime, na Catedral de Mónacu. El so padrín Gareth Wittstock (el so tíu maternu) y la so madrina la sudafricana Nerine Pienaar (esposa del ex-xugador de rugby François Pienaar)

Ella y el so hermanu llevaron vistíos de bautizu de Dior colos sos monogramas bordaos.

Hermanos

Jazmin Grace Rotolo, nacida en 1992, frutu del novialgu ente Alberto y Tamara Jean Rotolo
Alexandre Éric Stéphane,nacíu en 2003, frutu del novialgu ente Alberto y Nicole Valérie Costu
Príncipe Jaime Honorato Rainiero, nacíu'l 10 d'avientu de 2014