G Scorpii

De Wikipedia
Saltar a navegación Saltar a la gueta
G Scorpii
Constelación Escorpiu
Ascensión reuta α 17h 49min 51,48s
Declinación δ -37º 02’ 35,9’’
Distancia 126 ± 0,5 años lluz
Magnitú visual +3,19
Magnitú absoluta +0,24
Lluminosidá 104 soles
Temperatura 4540 K
Masa 1,44 soles
Radiu 17,6 soles
Tipu espectral K2III
Velocidá radial +24,7 km/s

G Scorpii (G Sco / HD 161892 / HR 6630)[1] ye una estrella de magnitú aparente +3,19 na constelación del Escorpiu. Nel sieglu XVIII denomóse Gamma Telescopii por Nicolas Louis de Lacaille, nuna dómina na que les llendes de les constelaciones nun taben claramente definíes. La so posterior inclusión na actual constelación del Escorpión llevó a Benjamin Apthorp Gould a asigna-y un nuevu nome, probablemente al considerar qu'una estrella tan brillosa tendría de tenelu. Anque se desconoz porqué se denomó cola lletra «G», posiblemente fora por ser una vegada la estrella «Gamma» de Lacaille.[2] Dacuando tamién ye conocida col nome propiu de Basanismus.[3]

A 126 años años lluz de distancia del Sistema Solar, G Scorpii ye una xigante naranxa de tipu espectral K2III[1] non bien distinta de Wei (ε Scorpii), nesta mesma constelación. Con una temperatura efectivo de 4540 K, la so lluminosidá —incluyida la radiación emitida nel infrarroxu— ye 104 vegaes mayor que la lluminosidá solar. La midida direuta del so diámetru angular dexó evaluar el so radiu, siendo ésti 17,6 vegaes más grande qu'el radiu solar.[2] Anque la masa d'estes xigantes siempres ye incierta, observaciones d'astrosismoloxía llevaes a cabu col observatoriu espacial WIRE dexaron determinar que la so masa ye de 1,44 mases solares.[4] Tien una edá envalorada de 3000 millones d'años.[2]

Anque nos catálogos estelares G Scorpii apaez con dos compañeres estelares, visualmente a 40 y 200 segundos d'arcu,[5] casi con seguridá dambes estrelles nun tán físicamente venceyaes con ella.[2]

Referencies[editar | editar la fonte]