GJ 3136

De Wikipedia
Saltar a navegación Saltar a la gueta
GJ 3136
GJ 3136
Constelación Perséu
Ascensión reuta α 02h 08min 53,6s
Declinación δ +49º 26’ 57’’
Distancia 46,6 años lluz
Magnitú visual +12,47
Magnitú absoluta +11,70
Lluminosidá 0,0017 soles
Temperatura 3200 K
Masa 0,31 soles
Tipu espectral M5 V

GJ 3136 (G 173-39 / NLTT 7096)[1] ye una estrella de magnitú aparente +12,47. Alcuéntrase a 46,6 años lluz del Sistema Solar encuadrada na constelación de Perséu. Ye una nana colorada de tipu espectral M5 V[2] (anque n'otres fontes apaez catalogada como M3 V).[3] Relluma con una lluminosidá —nel espectru visible— igual al 0,17% de la lluminosidá solar; a pesar d'ello, ye 12 vegaes más lluminosa que Proxima Centauri y 8 vegaes más que Wolf 359, dos de les nanes coloraes bien próximes a nós.

GJ 3136 tien una temperatura superficial de 3200 ~K[4] y la so masa apenes supón el 31% de la masa solar.[2] Tien una metalicidá —bayura relativa d'elementos más pesaos qu'el heliu— inferior a la del Sol ([Fe/H] = -0,14).[2] Xira sobre sigo mesma con una velocidá de rotación de siquier 30 km/s —15 vegaes más apriesa que'l Sol—, polo que-y la considera un «rotor rápidu»;[4] consecuentemente ye una estrella nueva que la so edá ta entendida ente 20 y 300 millones d'años.[3] Al igual qu'otres nanes coloraes, ye una estrella acandilante[1] qu'esperimenta aumentos sópitos ya impredicibles nel so rellumu en tol espectru electromagnéticu. Exemplos notables d'esti tipu d'estrelles son EV Lacertae, YZ Canis Minoris o UV Ceti, prototipu d'esta clase de variables.

Referencies[editar | editar la fonte]